• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Павел Левінаў: Гарвыканкам не мусіць вызначаць, каго з журналістаў пусціць на прэс-канферэнцыю, а каго — не

    Віцебскі праваабаронца і сябра ГА “БАЖ” звярнуўся ў гарвыканкам з прапановай, каб на арганізаваныя ўладамі прэс-канферэнцыі пускалі ўсіх ахвотных прадстаўнікоў СМІ, а не толькі з “правераных выданняў”.

    Праваабаронца лічыць, што абмежаванні допуску журналістаў на прэс-канферэнцыі, парушаюць  права на свабоду атрымання інфармацыі. Сведкам менавіта такога прэцэдэнту Павел Левінаў стаў  5 лістапада, калі ў Віцебскім гарвыканкаме праходзіла прэс-канферэнцыя наконт вельмі важнай для жыцця горада праблемы: закрыцця на рамонт Полацкага пуцеправода.

    “Гэта мост, які злучаў буйныя гарадскія раёны, і ўсе жыхары Віцебску былі зацікаўленыя ў тым, каб атрымаць найбольш поўную інфармацыю пра тэрміны рамонту, расклад змененага транспартнага руху і гэтак далей. Аднак на прэс-канферэнцыю намесніка старшыні гарвыканкама Сяргея Саглаева, дапусцілі толькі абмежаваную колькасць прадстаўнікоў СМІ.  “Мы запрашаем толькі правераныя СМІ”, — сказалі на ўваходзе тым журналістам, якіх у залу не прапусцілі. Вядома, так быць не павінна, асабліва калі гаворка вядзецца пра найважнейшыя пытанні гарадскога жыцця”, — кажа Павел Левінаў.

    Доступ на прэс-канферэнцыі не мусіць рэгулявацца прыватнымі сімпатыямі ці антыпатыямі старшыні гарвыканкама ці яго намеснікаў, лічыць Павел Левінаў.

    Ён напісаў ў гарвыканкам пералік прапановаў, датычна арганізацыі мерапрыемстваў для журналістаў. Галоўных умоў, на ягоную думку, мусіць быць дзве. Каб пра прэс-канферэнцыі, а таксама пасяджэнні гарвыканкама і іншыя мерапрыемствы, цікавыя гараджанам, паведамлялася загадзя, а не постфактум.   І каб прадстаўнікоў СМІ на іх дапускалі без дадатковага ўзгаднення, а па ўласным жаданні журналіста або рэдакцыі.

    Адказ за подпісам намесніка старшыні Віцебскага гарвыканкама Віктара Глушына быў кароткі: “Прапановы прыняты да ведама”.

    Без канкрэтных зменаў у стаўленні да журналістаў ён праваабаронцу не задавальняе.   

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Навіны

    Теперь консул может только изъять паспорт. Что означает новый указ для белорусов, уехавших из страны?

    05.09.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці