• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Праваабаронцы заклікалі вярнуць свабоду сходаў грамадзянам Беларусі

    Каманда валанцёраў распрацавала электронны зварот у парламент з просьбай дапусціць да ўдзелу ў абмеркаванні змен у Закон «Аб масавых мерапрыемствах» прадстаўнікоў грамадскасці, у тым ліку прадстаўнікоў ГА “Беларуская асацыяцыя журналістаў”.

    https://baj.media/sites/default/files/event/preview/photo_132.jpg

    Кампанія «За свабоду мірных сходаў» распрацавала петыцыю на сэрвісе Zvarot.by, у якой указваецца на неабходнасць змены існуючага закона “Аб масавых мерапрыемствах».

    Аўтары звароту ўпэўненыя, што мірныя сходы – гэта адзін з лепшых інструментаў вырашэння грамадскіх праблем:

    Права на свабоду мірных сходу ўключана ва Усеагульную дэкларацыю правоў чалавека. Яно ўключана і ў Канстытуцыю Рэспублікі Беларусь з маленькім дадаткам аб тым, што парадак арганізацыі і правядзення такіх сходаў вызначаецца законам. Усё бы нічога, але дзейны Закон занадта абмяжоўвае гэта права, уводзіць занадта шмат дзіўных працэдур, якія не заўсёды магчыма прайсці ўмоўнай супольнасці аматараў матылькоў, і нават калі мы гэтыя працэдуры асілім, у кожна(-га/-й) з нас могуць быць праблемы ў выглядзе затрыманняў, штрафаў і нават адміністрацыйнага арышту”, – лічаць распрацоўшчыкі тэксту звароту.

    Барацьба з запускам акумулятарнага завода ў Брэсце, бітва за захаванне экалогіі ў Светлагорску, масавыя акцыі пратэсту супраць абсурднага Дэкрэта прэзідэнта «Аб сацыяльным ўтрыманстве» – нават у жорсткіх умовах дзеючага закона людзі па-ранейшаму змагаюцца за свае каштоўнасці і сваю будучыню. Што стала з «дэкрэтам аб дармаедстве» усім вядома – улада пачула людзей і пайшла на адваротны крок. Аднак наўзамен выпісала сотні адміністрацыйных пратаколаў. Каб гэтага не было, патрэбен новы закон «Аб масавых мерапрыемствах».

    У сакавіку ў парламенце будуць разглядаць магчымыя змены ў існуючае заканадаўства. Важна, каб дэпутаты ўлічылі меркаванне людзей. Для гэтага і была створана петыцыя, у якой падпісанты просяць дапусціць да ўдзелу ў абмеркаваннях прадстаўнікоў РПГА “Беларускі Хельсінкскі Камітэт”, ПЦ” Вясна “, АПУ “Офіс па правах чалавека з інваліднасцю”, ГА “Беларуская асацыяцыя журналістаў”, ГА “Экадом” і эксперта Савета Еўропы Аляксандра Вашкевіча. Толькі з удзелам спецыялістаў закон можа быць палепшаны.

    Ці адбудзецца гэта, залежыць ад кожнага – да 15 сакавіка трэба сабраць 500 подпісаў, каб зварот быў накіраваны ў Палату прадстаўнікоў Нацыянальнага сходу.

    Падпісаць петыцыю можна прама зараз па наступнай спасылцы:

    Зрабіць крок да свабоды мірных сходаў

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці