• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Прыладзіўся на новую працу – трапіў у дэтэктыўчык

    Зразумеў гэта, прыладзіўшыся нядаўна на новае месца.

    Узялі карэспандэнтам на “Еўрапейскае радыё”. СМІ робіць ухіл на ўласны кантэнт. Рэдактура – маладая, сучасная.

    Гадавую акрэдытацыю ў Міністэрстве замежных спраў далі без праблем.

    Для разважлівай карэспандэнцкай працы ўсё было падрыхтавана. 

    Але не паспеў прыйсці ў рэдакцыю, як яе абклалі кароткастрыжаныя хлопцы з сіняга мікрааўтобусіка. Чакалі, пакуль на двор выйдзе адзін з журналістаў. Ды так “замаскіраваліся”, што нарабілі гулу на ўсю краіну. 

    Офіс “Еўрарадыё” звонку і знутры

    Па нашых здагадках (іншых прычын, здаецца, быць не можа) помсцілі за публікацыю скандальнага матэрыяла пра мінскае метро.

    У той жа дзень затрымалі і “этапавалі” на Акрэсціна нашага журналіста Паўла Свярдлова. Уляпілі 15 сутак, хоць да таго скандальнага матэрыялу Паша дачынення не меў.

    З тае пары я стаў выходзіць з дому і з рэдакцыі, азіраючыся. А ў галовах пачалі гучаць мінорныя гармоніі — як у гульні “Супер-Марыё”, калі б’ешся з драконам.

    Такі вось трылер, у якім міліцыя – гэта як бы зладзеі, а мы, журналісты, – як бы станоўчыя героі.

    Чым сканчаюцца такія атакі на прэсу? Кароткастрыжаны баец выглядае перад усім светам бандытам. Карэспандэнт – вастразубым кацянём, а краіна – безапеляцыйнай дыктатурай.

    Але навошта гэта патрэбна і каму робіцца лягчэй ад такога задавальнення нездаровых крыўдаў?

    Спадзяюся, што дачакаюся тых часоў, калі начальнікі кароткастрыжаных хлопцаў  з сіняга мікрааўтобуса перастануць цешыцца дзіцячымі помстамі і распачнуць дыялог з журналістамі на ўмовах законнасці. Для сваёй жа выгады.

    Ну а пакуль даводзіцца жыць у дэтэктыўным рэжыме і ўцягвацца ў рытм новай працы.

     

     

     

     

     

     

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    28.06.2023
    Акцэнты

    Чацвёра з дзесяці сышлі з прафесіі. Як абышоўся «Талібан» з журналістыкай у Афганістане

    01.03.2024
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці