• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Прыніжэньня не было, — суд адхіліў пазоў архітэктара Сяргея Ляпіна да «Гомельскай праўды»

    Cудзьдзя Чыгуначнага раёну Гомля Дзьмітры Дзябой 6 ліпеня адхіліў пазоў архітэктара Сяргея Ляпіна за абразу гонару, годнасьці й спраўнай рэпутацыі да афіцыйнай газэты «Гомельская праўда» і яе карэспандэнта Рамана Старавойтава.

    Сяргей Ляпін з жонкай Марыяй, якая прадстаўляла ў судзе інтарэсы мужа

    «Каб патрабаваньні абароны гонару й годнасьці былі задаволеныя, — вусна дадаў пасьля агалошваньня рашэньня судзьдзя Дзябой, — патрабуецца спалучэньне трох фактараў: зьвесткі павінны быць распаўсюджаныя, яны маюць характар ганьбы і не адпавядаюць рэчаіснасьці. Суд улічыў, што мэта і сэнс апублікаванага артыкулу („Ляпнул раз, ляпнул два… Всё неймётся“, інтэрнэт-вэрсія — „Будаўнічыя аб’екты Гомля пад прыцэлам інтэрнэт-правакатараў. Чаму няймецца „ляпіным“?“) за аўтарствам Рамана Старавойтава ёсьць ня гэтулькі прыніжэньнем гонару й годнасьці Сяргея Ляпіна, колькі крытыкай такой інтэрнэт-зьявы, як грамадзкі рэзананс на аснове неправеранай інфармацыі, так званых інфармацыйных „укідаў“, такіх, як інтэрнэт-правакацыі. Менавіта крытыка такой зьявы і ёсьць ляйтматывам артыкулу, які апублікавала „Гомельская праўда“. Да такой высновы прыйшоў і суд».

    Паводле Дзябоя, суд адначасна ўбачыў і ацаніў, што некалькі выказваньняў за подпісам Рамана Старавойтава «насілі некарэктны, двухсэнсоўны характар», але яны «не дасягаюць характару прыніжэньняў, якія абражаюць гонар і годнасьць. Зьвесткі павінны насіць канкрэтны сэнсавы характар. Нейкія двухсэнсоўныя выразы, магчыма, недапушчальныя ў журналістыцы, але з прававога гледзішча на іх нельга ўгрунтаваць свае патрабаваньні абароны гонару й годнасьці».

    За подпісам Старавойтава, і ня толькі яго, у «Гомельскай праўдзе» надрукавана некалькі матэрыялаў, у якіх аб’ектам зьдзеклівай крытыкі выступае архітэктар Сяргей Ляпін: «Абы ляпнуць», «Будаўнічыя аб’екты Гомля пад прыцэлам інтэрнэт-правакатараў. Чаму няймецца „ляпіным“?», «Хто і навошта падкінуў косьці на будаўнічую пляцоўку па вуліцы Сожаўскай у Гомлі?» Найбольш ярлыкоў і абразьлівых маніпуляцыяў з прозьвішчам пазоўцы мае артыкул «Ляпнул раз, ляпнул два… Все неймётся», пакладзены ў аснову пазову Сяргея Ляпіна. Архітэктар выстаўляецца ў публікацыі «аўтарам вуткі» пра пашырэньне вуліцы Пушкіна, чалавекам, які «спрытна сышоў ад абвінавачваньняў у дэзінфармацыі». У кантэксьце артыкула архітэктар — і «троль», і «правакатар» і нават «парушальнік нацыянальнай бясьпекі».

    «Гомельская праўда»: Не пашэнціла з прозьвішчам

    У судзе першы намесьнік галоўнага рэдактара газэты заявіў, што Ляпіну не пашэнціла з прозьвішчам, у аснове якога ляжыць кораць «ляп», адсюль, маўляў, і дзеяслоў «ляпаць».

    Афіцыйная газэта абрынулася на архітэктара Ляпіна за тое, што на незалежным сайце «Сильные новости» ён выступаў з крытыкай рэканструкцыі вуліц Кірава, Інтэрнацыянальнай, Касманаўтаў і патрабаваў кампэтэнтных археалягічных дасьледаваньняў участку пад будаўніцтва шматкватэрнага дому на вуліцы Сожаўскай, бо гэтае месца на карце 1913 году пазначана як частка габрэйскіх могілак.

    «Калі атрымаю матывацыйную частку рашэньня, — тлумачыць Сяргей Ляпін, — параюся зь юрыстамі, як паступаць далей. Бо з аднаго боку, як выказаўся судзьдзя, выразы ў артыкулах «Гомельскай праўды» нібыта «не дасягаюць характару прыніжэньняў», а зь іншага, яны «непрымальныя ў журналістыцы».

    Адказьнікі — прадстаўнікі «Гомельскай праўды»

    «Гомельская праўда», у сваю чаргу, зьвярнулася у эканамічны суд Гомельскай вобласьці па абарону, гонару, годнасьці і спраўнай рэпутацыі. Падставай стаў здымак Сяргея Ляпіна, на якім ён трымае «Гомельскую праўду» над сьметніцай. Здымак зьмешчаны на сайце «Сильные новости» разам з артыкулам «Крытыка рэканструкцыяў вуліц пагражае нацыянальнай бясьпецы? Краязнаўца падаў у суд на „Гомельскую праўду“, каб адстаяць сваю рэпутацыю». Газэта не пагадзілася з архітэктарам Ляпіным, што яна «выйшла за межы прыстойнасьці». Як напісана ў пазове, «артыкул і фатаздымак успрымаюцца як адно цэлае і зьмест артыкула асацыюецца з выявай на фатаздымку — адказьнікі параўноўваюць нашае друкаванае выданьне са сьмецьцем».

    Разгляд пазову газэты да архітэктара прызначаны на 11 ліпеня.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці