«Беларускае Радыё Рацыя» далучылася да Кодэкса этыкі беларускіх журналістаў

«Беларускае Радыё Рацыя» стала 30‑й медыяарганізацыяй, якая далучылася да Пагаднення аб самарэгуляванні незалежнага медыясектара і да Кодэкса этыкі беларускіх журналістаў.

Лагатып «Беларускае Радыё Рацыя»

«Беларускае Радыё Рацыя» — недзяржаўная беларускамоўная радыёстанцыя, якая вяшчае з Беластоку (Польшча) для Беларусі, Польшчы і Літвы. Яе мэта — трансляцыя праўдзівай інфармацыі, захаванне нацыянальнай ідэнтычнасці, культуры і падтрымка дэмакратычных каштоўнасцей.

Усяго да Пагаднення аб самарэгуляванні незалежнага медыясектара і да Кодэкса этыкі беларускіх журналістаў на сёння далучыліся 30 медыя, якія працягваюць працаваць на беларускую аўдыторыю, незалежна ад таго, дзе знаходзяцца: у Беларусі ці за мяжой. У ліку падпісантаў — «Белсат», «Новы Час», «Еўрарадыё», Reform.news, «Позірк», Hrodna.life, «Будзьма беларусамі!», NEXTA, Беларускі расследавальніцкі цэнтр і многія іншыя.

Падпісанты абавязваюцца прытрымлівацца ў сваёй прафесійнай дзейнасці Кодэкса этыкі беларускіх журналістаў і выконваць іншыя абавязкі, прадугледжаныя гэтым Пагадненнем. 

Рада па медыяэтыцы

«Зачышчаны» эфір. На сёння ў Беларусі няма незалежнага грамадска-палітычнага радыёвяшчання