• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Рэпартэры бязь межаў» занепакоеныя бясьпекаю «Новой газеты»

    Міжнародная праваабарончая арганізацыя «Рэпартэры бязь межаў» занепакоеныя бясьпекай калектыву «Новой газеты», якой пагражалі чачэнскія ўлады пасьля таго, як яна паведаміла пра перасьлед геяў ў Чачні.

    У ліку тых, хто атрымаў пагрозы, былі і журналісты радыёстанцыі «Эхо Москвы». «Рэпартэры бязь межаў» заклікаюць фэдэральныя ўлады Расеі пакласьці канец беспакаранасьці рэжыму прэзыдэнта Чачні Рамзана Кадырава.

    Як паведамлялася раней, у Цэнтральным мячэце ў Грозным, сталіцы Чачні, празь некалькі дзён пасьля публікацыі «Новой газеты» 1 красавіка адбыўся публічны сход, прысьвечаны арыштам і жорсткаму абыходжаньню з падазраванымі ў гомасэксуалізьме ў Чачні. Гэтая гісторыя была падхопленая СМІ па ўсім сьвеце.

    Падчас сустрэчы ў Грозным, якая шырока асьвятлялася чачэнскімі СМІ, дарадца прэзыдэнта Кадырава Адам Шахідаў абвінаваціў «Новую газету» ў паклёпе і назваў яе журналістаў «ворагамі нашай веры і нашай бацькаўшчыны». Пасьля гэтага 24 чачэнскія рэлігійныя і грамадзкія дзеячы падпісалі рэзалюцыю зь пяці пунктаў, у якой публікацыя была названая «абсалютнай хлусьнёй, якая падрывае гонар і рэпутацыю мусульман, жыхароў Чачні і расейскіх грамадзян».

    У рэзалюцыі было запэўніваньне, што «сапраўдныя завадатары ў канчатковым выніку будуць пакараныя, дзе б яны ні знаходзіліся і кім бы яны ні былі, і што ня будзе тэрміну даўнасьці па гэтым пакараньні».

    «Новая газета» адказала, што рэзалюцыя «заклікае рэлігійных фанатыкаў нанесьці зваротны ўдар супраць журналістаў». І сапраўды, пагрозы хутка пачалі зьяўляцца ў сацыяльных сетках.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці