• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    “Што дазволена Юпіцеру, не дазволена быку”

    Вярхоўны суд падтрымаў пазіцыю Міністэрства інфармацыі ў справе вынясення папярэджанняў СМІ за скарачэнне “РБ”.

    28 красавіка суддзя ВС Кацярына Караткевіч адхіліла зыск ТАА “Выдавецкі дом “Інтэкс-прэс” да дзяржаўнага органа і прызнала законным пісьмовае папярэджанне выданню.

    У часе судовых слуханняў прадстаўнікі “Інтэкс-прэс” спрабавалі давесці суду, што скарачэнне “РБ” замест слоў “Рэспубліка Беларусь” шырока ўжываецца органамі дзяржаўнай улады і нават прысутнічае ў прэзідэнцкіх указах.

    – Дадзенае скарачэнне ёсць ва ўсіх слоўніках скарачэнняў і абрэвіятур беларускай і нават рускай мовы і ўказвае менавіта на Рэспубліку Беларусь. Атрымліваецца, што дзяржаўныя органы маюць права і шырока прымяняюць дадзеную абрэвіятуру ў сваіх нарматыўна-прававых актах, а незалежны СМІ за гэта атрымлівае папярэджанне. Тут узгадваецца вядомае лацінскае выслоўе: “Што дазволена Юпіцеру, не дазволена быку”, – гаворыць прадстаўнік выдання ў працэсе, адвакат Сяргей Зікрацкі.

    У сваю чаргу, прадстаўнікі Міністэрства інфармацыі настойвалі на законнасці вынесенага папярэджання і прасілі суд адхіліць зыск, што і зрабіў суд.

    – Мы ведалі, што шанец на адмену дадзенага папярэджання ў беларускім судзе ў нас быў мінімальны, але не маглі не скарыстацца гэтай магчымасцю, бо наступнае папярэджанне па такой надуманай, на наш погляд прычыне, у нашай краіне можа пацягнуць закрыццё выдання, – кажа дырэктар ТАА “Выдавецкі дом “Інтэкс-прэс” Уладзімір Янукевіч.

    Газета “Intex-press” з’яўляецца лідарам недзяржаўнага друку ў Баранавічах. Першы нумар выдання выйшаў 30 снежня 1994 года. Найбольшы наклад выданне мела ў 2010 годзе – больш за 20 тысяч асобнікаў. У 2006 годзе выданне выключылі з дзяржаўных сістэм распаўсюду, але яно захавала поспех у чытача.

    Разам з “Intex-press” у лютым-сакавіку бягучага года папярэджанні ад Міністэрства інфармацыі атрымаў яшчэ шэраг беларускіх выданняў.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці