• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Што можа журналіст?

    Газэта «Наша Ніва» перадрукавала матэрыял Паўла Шарамета: «Аглядальніца прэзідэнцкай газеты „Советская Белоруссия“ даслала ў Маскву, у „Коммерсант“ сваё рэзюмэ і прапанову працы… Журналістка ў дзяржаўных колах вядомая і зарабіла аўтарытэт сваімі ўхвальнымі артыкуламі пра „беларускі цуд“…»

    Факт, безумоўна, цікавы. Але ня меней цікавая і самахарактарыстыка прэтэндэнткі на пасаду: яна «можа прадставіць розныя пункты гледжання на падзеі ў Беларусі».

    Фраза, як той казаў, чапляе. У ёй адчуваецца пэўны драматызм і нават інтрыга. Перадусім, зьвернем увагу на «можа». То бок, што значыць «можа»? «Можа» калі? Калі загадаюць ці папросяць? «Можа», калі захоча? Дарэчы адзначыць, што журналістка піша пра сябе ў трэцьцяй асобе. Не «я магу», а «можа», г.зн. разглядае сябе звонку, па-за кантэкстам рэальнай журналісцкай практыкі таго выданьня, у якім працуе.

    Слова «прадставіць» таксама сэмантычна важнае. Бо не падаць, а «прадставіць». Зноў жа, — ці калі трэба, ці калі папросяць? І нарэшце, «прадставіць розныя пункты гледжання на падзеі ў Беларусі». Інакш кажучы, прэтэндэнтка запэўнівае, што яшчэ ня страціла ўяўленьняў пра прафэсійныя стандарты. Менавіта — уяўленьняў. Бо праца ў прапагандысцкіх СМІ не патрабуе гэтых самых стандартаў датрымоўвацца.

    Цікавая фраза яшчэ і тым, што, насамрэч, ёсьць самавыкрыцьцём. Гэта выпадак некантраляванай падсьвядомасьці, якая адначасна прамаўляе двума галасамі. Голасам напаўрэпрэсаваных уяўленьняў датычна прафэсійных патрабаваньняў (у прапагандысцкіх СМІ, як ужо адзначалася, яны непатрэбныя) і голасам сэрвільнай журналістыкі («зарабіла аўтарытэт сваімі ўхвальнымі артыкуламі пра «беларускі цуд»). Гэта выпадак падвоеных стандартаў, калі журналіст піша не пра тое, што лічыць важным для грамадства, а пра тое, што патрабуе ад яго рэдактар ці дабраахвотна прынятыя абавязкі палітычнай дабранадзейнасьці і ідэалягічнай адданасьці.

    Праблема, аднак, зусім не адназначная. Інфляцыя разам з дэвальвацыяй, як выглядае, падточваюць ціхі фінансавы дабрабыт працаўнікоў ідэалягічных мэдыяў. І пісаць надалей пра эканамічны цуд неяк не выпадае. Дзесьці трэба шукаць паратунку.

    Чаму ж не ў «Коммерсанте»? І вось жа зноў цікава: «Коммерсант» — слова яўна з фінансавага лексыкону. Дык ці возьмуць?

    Б’юся аб заклад, — калі возьмуць, Шарамет пра гэта абавязкова напіша.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Телеграм‑бот «Глаз бога» и «Магнит». Как милиционеры пробивают телефонные номера, почты и адреса беларусов

    07.09.2023
    Акцэнты

    Какую информацию о нас хранят телеграм‑боты, чем они опасны и как удалить их из аккаунта? Отвечают эксперты

    21.08.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці