Гродзенскія БАЖаўцы сабралі грошы ў падтрымку хворай на рак дзяўчынкі (+ рэквізіты)

— Калі мы зрабілі абвестку, што адбудзецца аўкцыён, адразу з’явіліся прапановы на лоты. — кажа адна з арганізатарак. — Рэпрадукцыі сусветнавядомых мастакоў ад творчай суполкі RedARt, графіка гродзенскай мастачкі Наталлі Клімовіч, стыльныя торбы ад музейнага супрацоўніка Аксаны Данілевіч, кнігі гродзенскага гісторыка Андрэя Вашкевіча, упрыгожванні Lia­tris. Сябра суполкі Аляксандр Саенка прапанаваў паслугу фатографа.

Неразыграныя лоты перадалі цэнтру “Пара”, каб працягнуць аўкцыён у сацсетках. Усе сродкі, сабраныя на сустрэчы, пераведзеныя на рахунак дзяўчыны. Сям’я вяла перамовы з трыма клінікамі: у Ізраілі, Германіі ды Гішпаніі. У апошняй кошты больш дасяжныя. Імунатэрапія ў Барселоне каштуе 84 000 еўра. Зараз сабрана амаль палова з неабходнай сумы.

Паліна нарадзілася здаровым дзіцём. Аднойчы заўсёды ўсмешлівая і жыццярадасная дзяўчынка стала «таяць» на вачах. Напрыканцы траўня 2016 года Паліна трапіла ў лідскую гарадскую бальніцу, затым у раённую (Гродна), а ўжо адтуль — экстрана ў дзіцячы анкацэнтр у Бараўлянах з дыягназам «нейрабластома з паразай левага наднырачніка, костак чэрапа, касцявога мозгу, IV ступень».

За гэты кароткі, але вельмі складаны і цяжкі прамежак часу Паліна прайшла 7 блокаў хіміятэрапіі, мноства балючых працэдур і аналізаў, дзве MIBG-сцынціграфіі ў Маскве, апошняя з якіх паказала станоўчую дынаміку: сышлі шматлікія метастазы і засталося толькі два ачагі.

Малой таксама зробленая аперацыя па выдаленні пухліны наднырачніка і трансплантацыя касцявога мозгу.

Нейрабластома — падступная пухліна, бо яна часта рэцыдывуе, а рэцыдывы нейрабластомы вельмі дрэнна паддаюцца лячэнню. 4 стадыя нейрабластомы азначае, што метастазы распаўсюдзіліся ў лімфатычныя вузлы, касцяны мозг і іншыя жыццёва важныя органы. Лячэнне, якое праходзяць дзеці з такім дыягназам, складанае і доўгае.

У Беларусі, як і ў многіх іншых краінах, лячэнне нейрабластомы заканчваецца пасля праходжання дзіцем прамянёвай тэрапіі. Аднак медыцына не стаіць на месцы, і ў некаторых клініках свету ўжо з’явілася магчымасць далейшага лячэння нейрабластомы 4 стадыі, а менавіта, іммунатэрапія (лячэнне антыцеламі). Яна дапаможа арганізму канчаткова знішчыць адзінкавыя ракавыя клеткі, прадухіляючы рызыку ўзнікнення рэцыдываў, якія характэрныя для дадзенай хваробы ў 90 % выпадкаў.

Гасцям вечара прапанавалі чайнаю цырымонію і дэгустацыю кітайскай гарбаты розных гатункаў. Музычнае суправаджэнне стварыў лаўрэат рэспубліканскіх і міжнародных конкурсаў, саліст аркестра МНС Іван Буракоў жывым саксафонам.

Як дапамагчы Паліне:

МТС +375–29-204–68-68

Перевод на картку БЕЛАРУСБАНКА: 9112 0001 6967 4724 Тэрмін дзеяння: 11/21

QIWI-кошелек: +79835288204

Pay­Pal: help.pomogirebenky@yandex.ru

Easy Pay толькі ў беларускіх рублях N29965771

Паштовыя пераводы: Гродзенская вобл. г. Ліда, вул. Гастэлы д. 67 кв. 18 індэкс 231292 Амельчанка Сяргей Уладзіміравіч (тата Паліны).

Дабрачынныя рахункі адкрытыя ў філіяле 413 — г. Ліда, вул. Савецкая, 10; УНП 500191715; МФО 152101696:
— беларуские рублі — транзітны рахунак 3819382104109 на дабрачынны рахунак 000093 у аддзяленні 413/7, бестэрміновы
— долары ЗША — транзітны рахунак 3819382105717 на дабрачынны рахунак 000097 у аддзяленні 413/7, бестэрміновы
— еўра — транзітны рахунак 3819382105717 на дабрачынны рахунак 000032 у аддзяленні 413/7, бестэрміновы
— расійскія рублі — транзітны рахунак 3819382105717 на дабрачынны рахунак 000032 у аддзяленні 413/7, бестэрміновы
Прызначэнне плацяжу: для залічэння сродкаў на дабрачынны рахунак на імя Амяльчэнка С.У. для лячэння дачкі Паліны.