• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Журналіст і галоўны рэдактар: як паразумецца? (Серыя №1)

    Якія плюсы і мінусы бачаць адзін у адным кіраўнікі і шараговыя супрацоўнікі рэдакцый?

    Распачынаем серыю публікацый, у якіх збіраем меркаванні “журналістаў-начальнікаў” і “журналістаў-падначаленых” (імёны і месцы працы апошніх не згадваюцца).

    У перспектыве плануецца скласці рэйтынг станоўчых і адмоўных якасцяў, названых у часе апытання.

    Рэдактары і журналісты, меркаванні якіх фігуруюць у адным матэрыяле, працуюць у розных выданнях.

    Рэдактар 1 (Мікалай Аляксандраў, «Брестский курьер») пералічыў:

    Крэатыўнасць (уменне творча мысліць і распрацоўваць тэмы).

    Камунікабельнасць (якая ўключае любоў да калег і любоў да герояў публікацый – нармальных людзей, а не чынушаў і нягоднікаў).

    Адказнасць (маецца на ўвазе адказнасць не толькі перад газетай па тэрмінах падрыхтоўкі матэрыялаў і г.д., але галоўным чынам адказнасць перад чытачамі).

    Пачуццё гумару (упрыгожвае матэрыялы і дапамагае пазбягаць канфліктаў у калектыве і па-за ім).

    Шырокі кругагляд, добры густ (гэта ператварае рамесніка ў творцу).

    Якасці, супрацлеглыя вышэйназваным.

    Лянота

    Адсутнасць інтарэсу да людзей, падзеяў і аб’ектаў публікацый.

    Журналіст 1:

    Калі рэдактар можа ўбачыць нешта новае і калі ён адкрыты да гэтага новага.

    За паўсядзеннай рэдактарскай працай (не толькі журналісцкай, але і адміністратыўнай – заробак налічыць, тое-сёе) рэдактар замыкаецца ў пэўным сталым алгарытме. Прыходзіць, скажам, амбітны малады журналіст, у якога, магчыма, бракуе досведу, але ёсць яскравыя суперідэі, якія з рэдактарскім досведам можна дапрацаваць. Але рэдактар проста не выходзіць за межы таго, да чаго ён прызвычаіўся. Гэта вялікая бяда нашых рэдактараў.

    Было б проста супер, калі б адзін чалавек цалкам займаўся нейкімі адміністратыўнымі справамі, а другі – “крэатыўны дырэктар” – сачыў за тэндэнцыямі, адглядаў замежныя медыя, глядзеў, як што развіваецца, які досвед можна скарыстаць, размаўляў з маладымі людзьмі, якія прыходзяць. Разам такія кіраўнікі нешта вартае маглі б зрабіць.

    Рэдактар 2 (Вячаслаў Хадасоўскі, “Белорусы и рынок”) назваў: 

    Прафесійную кампетэнтнасць, веданне прадмету. (Паколькі эканамічная журналістыка – спецыфічная “ніша”, магу сказаць, што не хапае наогул журналістаў з веданнем прадмету.)

    Інтарэс да падзеяў і наогул – да жыцця, цікаўнасць у добрым сэнсе гэтага слова.

    Настроенасць на пазітыўны вынік – дамагацца чагосьці, нягледзячы на абставіны, жаданне ўдасканальвацца і расці.

    Адсутнасць інтарэсу, легкадумнасць у падачы матэрыялу.

    Скандальнасць, схільнасць да інтрыг.

    Журналіст 2:

    Мой рэдактар заўсёды ў курсе ўсяго, што адбываецца ў рэдакцыі.

    У яго неверагоднае адчуванне слогу, ён прыдумляе вельмі крутыя павароты тэм. У цэлым я б назвала гэтую якасць “крутасцю”. 

    Запальчывасць.

    Залішняя прамалінейнасць.

    Працяг будзе

    Вы можаце таксама дасылаць у каментарах ці на press@baj.by меркаванні па наступных пытаннях: 

    Калі Вы ­– супрацоўнік рэдакцыі без кіраўнічай пасады:

    Якія якасці рэдактараў, на Вашу думку, дапамагаюць, а якія – перашкаджаюць творчаму працэсу?

    Калі Вы належыце да кіраўніцтва рэдакцыі:

    Якія якасці супрацоўнікаў замінаюць плённай працы СМІ?

     

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia

    Больш матэрыялаў

    Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
    Падпісваючыся на рассылку, вы згаджаецеся з Палітыкай канфідэнцыйнасці