Стала вядома пра арышт журналісткі Паліны Піткевіч
24 лютага 2025
КДБ лічыць дзяўчыну датычнай да «экстрэмісцкага фармавання» MediaIQ — праекта «Прэс-Клуба» па павышэнні медыяпісьменнасці.
Паліна Піткевіч. Фота: сацыяльныя сеткі
7 сакавіка 2025 года ў Мінскім гарадскім судзе пачынаюць судзіць журналістку Паліну Піткевіч. Яе абвінавачваюць ва ўдзеле ў «экстрэмісцкім фарміраванні» (ч.3 арт. 361–1 Крымінальнага кодэкса).
Калі ў чэрвені 2024 года КДБ Беларусі абвесціў праект Media IQ экстрэмісцкім фарміраваннем, то называў Піткевіч сярод яго ўдзельнікаў.
Прыкладна ў той жа час акаўнты Паліны апошні раз былі анлайн.
Паліна Піткевіч нарадзілася ў 1994 годзе. Скончыла факультэт журналістыкі БДУ (2016). Яна захаплялася тэатрам і нейкі час грала як актрыса ў Лабараторыі сацыяльнага тэатра ў Мінску. Як журналістка пісала на культурніцкія тэмы.
Таксама Паліна вядомая сваёй любоўю да жывёл — на яе старонках у сацсетках можна знайсці мноства аб’яў пра дапамогу бяздомным хвастатым. Па словах знаёмых, у Паліны ў самой дома жыў не адзін выратаваны кот.
Паліне Піткевіч пагражае да 4 гадоў хіміі ці ад 2 да 6 гадоў калоніі.
@bajmedia
PEN International заклікаў неадкладна вызваліць Пачобута
24.02.2025
8 расійскіх СМІ пазбаўляюцца ліцэнзіі на вяшчанне ў Еўразвязе
24.02.2025
Правда ли, что беларусы за границей часто становятся героями криминальных сводок? Или это искажение СМИ? Поговорили с экспертом
22.02.2025
Экс-міністр інфармацыі Луцкі стаў весці «Контуры» на канале АНТ — які сам і ўзначальвае
12.11.2024
