• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Суд дазволіў блогерам Пятрухіну і Кабанаву падрыхтавацца да разгляду спраў

    Інфармацыя пра тое, што Пятрухін і Кабанаў былі затрыманыя яшчэ 23 лютага і змешчаныя ў ізалятар часовага ўтрымання ў Брэсце, пацвердзілася толькі раніцай 26 лютага.

    Сяргей Пятрухін, Аляксандр Кабанаў

    Менавіта на 26 лютага ў судзе Ленінскага раёна Брэста было прызначана слуханне справаў у дачыненні да абодвух блогераў.

    Як стала вядома службе маніторынгу ГА “Беларуская асацыяцыя журналістаў”, і Сяргея Пятрухіна, і Аляксандра Кабанава абвінавачваюць паводле артыкула 23.24 Кодэкса РБ аб адміністрацыйных правапарушэннях (парушэнне вызначанага парадку правядзення сходу, мітынгу, вулічнага шэсця, дэманстрацыі, пікетавання).

    Абодва блогеры бяруць актыўны удзел у кампаніі супраць будаўніцтва акумулятарнага завода каля Брэста.

    У адным са сваіх выпускаў на youtube-канале “Народны рэпарцёр” Аляксандр Кабанаў заявіў, што калі на працягу бліжэйшых дзён мясцовыя ўлады не спыняць будаўніцтва акумулятарнага завода, ён 25 лютага выйдзе на плошчу Леніна ў Брэсце на знак пратэсту супраць гэтага прадпрыемства. Гэты заклік падтрымаў і яго калега Сяргей Пятрухін.

    У выніку Аляксандр Кабанаў 21 лютага быў выкліканы па месцы жыхарства ў пракуратуру Бярозаўскага раёна, а Сяргей Пятрухін — 22 лютага ў Брэсцкую гарадскую пракуратуру.

    Блогеры атрымалі афіцыйныя папярэджанні пра недапушчальнасць парушэння палажэнняў Закона “Аб масавых мерапрыемствах”.

    26 лютага затрыманых блогераў даставілі ў суд Ленінскага раёна Брэста. Справу Сяргея Пятрухіна разглядаў суддзя Дзмітрый Шурын, справу Аляксандра Кабанава — суддзя Аляксандр Семянчук. У абодвух выпадках судовыя працэсы перанесеныя на раніцу 28 лютага, бо Кабанаў і Пятрухін хадайнічалі аб удзеле адвакатаў і магчымасці падрабязна вывучыць складзеныя адміністрацыйныя пратаколы.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці