Сябра БАЖ Сяргей Ляпін падаў у суд на дзяржаўную “Гомельскую праўду”
31 мая 2017
Гомельскі ўрбаніст і архітэктар, сябра ГА "Беларуская асацыяцыя журналістаў" Сяргей Ляпін, аўтар шматлікіх публікацый пра будоўлі ў цэнтры Гомеля, падаў іск аб абароне гонару, годнасці і дзелавой рэпутацыі. Адказчыкамі па справе названы абласная дзяржаўная газета "Гомельская праўда" і яе карэспандэнт Раман Старавойтаў.
20 траўня ў афіцыйнай газеце за подпісам Старавойтава выйшаў артыкул “Ляпнул раз, ляпнул два… Все неймется”, у якім аўтар абвінавачвае архітэктара ў хлусні, правакацыях і нават парушэнні нацыянальнай бяспекі.
– Гэта не першая публікацыя з падобнымі беспадстаўнымі абвінавачваннямі і абразлівымі маніпуляцыямі маім прозвішчам, – гаворыць Ляпін.
Сяргей Ляпін патрабуе ад “Гомельскай праўды” абвяржэння непраўдзівай інфармацыі і прынясення яму афіцыйных прабачэнняў журналіста і рэдакцыі.
Будучы архітэктарам па адукацыі, Сяргей спрычыніўся да шэрагу гарадскіх праектаў па добраўпарадкаванні горада. У прыватнасці, з яго ініцыятывы тэлефонная скрыня-размеркавальнік на плошчы Перамогі ператворана ў “Кніжную шафу”. Пастаўлены “Тэлепорт” каля абласной бібліятэкі. На вуліцы Кірава на сцяне дома створаны мурал з выявай выдатнага гомельскага архітэктара Станіслава Шабунеўскага, рэпрэсаванага ў 30‑я гады мінулага стагоддзя.
@bajmedia
У Беларусі прайшла хваля ператрусаў у кватэрах прадстаўнікоў медыя
01.08.2024
Намесніца пракурора Пінска прызналася, што за спісам «экстрэмісцкіх матэрыялаў» сачыць немачыма
06.09.2024
Умер художник Василий Почицкий — автор зайцев из «БелГазеты»
07.05.2024
Пракуратура Брэсцкай вобласці пахвалілася, колькі інфармацыйных рэсурсаў прызналі «экстрэмісцкімі»
19.10.2023
