У адносінах да Ларысы Шчыраковай складзены адміністрацыйны пратакол
1 мая 2017
Пасля санкцыянаванага мітынгу ў Гомлі была затрымана журналістка Ларыса Шчыракова, якая супрацоўнічае з Белсатам – у адносінах да яе быў складзены пратакол па арт. 22.9 КаАП «Парушэнне заканадаўства аб сродках масавай інфармацыі».
На мітынгу журналістка вяла стрым.
Як паведаміла Шчыракова ў інтэрвʼю Белсату, калі яна ўжо сыходзіла з мітынгу, да яе падʼехала міліцэйская машына, з якой выскачылі два супрацоўніка і зацягнулі яе ў аўто. Падчас затрымання міліцыянты не прадставіліся і нічога не патлумачылі Шчыраковай.
Журналістка правяла больш за гадзіну ў Чыгуначным РАУСе, дзе на яе быў складзены пратакол за парушэнне закона аб СМІ. На дадзены момант Шчыракову вызвалілі, але ў РАУСе застаецца яшчэ адна журналістка – Марына Драбышэўская.
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
Больш матэрыялаў
Выйшаў на волю бабруйскі блогер Андрэй Бяляўскі. Яму павязалі іранічную стужку выпускніка
08.01.2024
Асуджаны журналіст Аляксандр Васюковіч выехаў з Беларусі
25.04.2024
Прысуд Ігару Карнею: 3 гады і 20 тысяч рублёў штрафу
22.03.2024
Генпракуратура Расіі прызнала «непажаданай» дзейнасць «польскай арганізацыі Belsat» на тэрыторыі РФ
13.09.2024