• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У Бабруйску на Дзень Незалежнасці забаранілі фота- відэаздымку

    З 29 чэрвеня па 3-га ліпеня ў Бабруйску праходзіла адразу чатыры святы: 630-годдзе горада, 73-я гадавіна вызвалення ад нямецка-фашысцкіх захопнікаў, Міжнародны фестываль народнай творчасці «Вянок дружбы» і Дзень Незалежнасці Рэспублікі Беларусь.

    Міліцыя абшуквае блогера «Бобруйского курьера» Уладзіміра Лазарава

    Падчас правядзення святаў журналісты звярнулі ўвагу, што ў цэнтры горада была забароненая фота- відэаздымка. Пра гэтую забарону папярэджвалі адмысловыя шчыты пры ўваходзе на абгароджаную тэрыторыю.

    Прычым, калі адзін з мясцовых актывістаў стаў здымаць, як міліцыя абшуквае блогера «Бобруйского курьера» Уладзіміра Лазарава, тут жа падбег афіцэр міліцыі і праінфармаваў, што здымаць у гэтым месцы катэгарычна забаронена.

    Нагадаем, мы ўжо пісалі пра «новаўвядзенні» ў Бабруйску. 1 мая бабруйская міліцыя забараніла праносіць фотаапараты ў гарадскі парк культуры і адпачынку — на «Свята вясны і працы». Інфармыцыя пра гэта была размешчаная супрацоўнікамі міліцыі на спецыяльным стэндзе адразу пад выявай пісталета і надпісам «Зброя, боепрыпасы».

    Такія ж шчыты былі расстаўленыя і на святы, што праходзілі ў Бабруйску 29-га чэрвеня — 3‑га ліпеня.

    «Ствараецца ўражанне, што бабруйскія ўлады на час правядзення «сваіх» святаў, «адключаюць» Канстытуцыю і закон «Аб сродках масавай інфармацыі». Бо 34 артыкул Канстытуцыі Рэспублікі Беларусь гарантуе грамадзянам права на атрыманне, захоўванне i распаўсюджванне інфармацыі, у тым ліку — аб дзейнасцi дзяржаўных органаў, аб культурным жыцці. А закон «Аб СМІ», акрамя гэтага, замацоўвае за журналістамі права прысутнічаць на месцы правядзення масавых, культурных мерапрыемстваў і асвятляць іх. Гэтая ж забарона бабруйскіх уладаў, па сутнасці, «адмяняе» беларускае заканадаўства», — мяркуе галоўны рэдактар «Бобруйского курьера» Анатоль Санаценка.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці