• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У дзвюх кнігах Зянона Пазняка выявілі “прыкметы праявы экстрэмізму”

    26 лістапада актывіста Кансерватыўна-хрысціянскай партыі БНФ Алеся Чахольскага выклікалі ў аддзяленне міліцыі Фрунзенскага раёна г. Мінска, дзе далі азнаёміцца з пратаколам па арт.17.11 КаАП (выраб, распаўсюд і (або) захоўванне экстрэмісцкіх матэрыялаў). Пасля гэтага сп-ра Чахольскага адразу ж даставілі ў суд Фрунзенскага раёна. У выніку пратакол адправілі на дапрацоўку, а працэс адклалі, — паведаміла Радыё Свабода.

    Справа тычыцца інцыдэнту 27 верасня г.г., калі пры перасячэнні польска-беларускай мяжы беларускія мытнікі забралі ў сп-ра Чахольскага на экспертызу кнігі “Абарона Курапатаў. Народны мемарыял” (2 асобнікі, аўтары — Зянон Пазняк і Валерый Буйвал) і кнігі Зянона Пазняка “Добрая фатаграфія” (2 асобнікі), “Сэсія незалежнасьці” (2 асобнікі).

    26 кастрычніка экспертная камісія Брэсцкай вобласці па ацэнцы інфармацыйнай прадукцыі прыйшла да высновы, што дзве кнігі з трох — “Добрая фатаграфія” і “Абарона Курапатаў. Народны мемарыял” — “утрымліваюць прыкметы праявы экстрэмізму”. Адпаведнае паведамленне актывіст атрымаў па пошце ад Брэсцкай мытні. Намеснік начальніка мытні па праваахоўнай працы І. Рудакоў пісаў, што мытня збіраецца звярнуцца ў суд Маскоўскага раёна Брэста з пазовам аб прызнанні выданняў экстрэмісцкімі матэрыяламі.

    Ліст з Брэсцкай мытні аказаўся ў распараджэнні TUT.by

    Між тым, ніякіх паведамленняў пра вынікі суда Алесь Чахольскі не атрымліваў і цяпер спрабуе высветліць, ці прызнаныя забраныя ў яго кнігі “экстрэмісцкай літаратурай” афіцыйна.  

    Кнігі аўтарства Зянона Пазняка ўжо затрымлівалі на беларускай мяжы ў кастрычніку 2014 года. 20 выданняў забралі тады ў Паўла Севярынца на экспертызу: «Цяжкі час—працяг», «Незалежнасьць Беларусі. 20 гадоў», «Дэклярацыя — першы крок да незалежнасьці», «Менскі гарсавет ў пэрыяд нацыянальнай рэвалюцыі (1990–1991)», «Тэрра Дэй», «Развагі», «Парсіваль» і іншыя. У лютым 2015 года уладальніку кніг паведамілі, што камісія не знайшла ў іх экстрэмізму.

    Нагадаем, што адміністрацыйная справа за “выраб, распаўсюд і (або) захоўванне экстрэмісцкіх матэрыялаў” у Беларусі ўжо была. У жніўні 2014 года яе завялі на актывіста анархісцкага руху Рамана Халілава, які адбыў па рашэнні суда 10 сутак арышту. Адметна, што ніякай экспертызы забраных у яго матэрыялаў не праводзілася. Суддзя Савецкага раёнага суда Арцём Бяскішскі сам пастанавіў, што ўсе 92 матэрыялы, якія захоўваліся ў актывіста, з’яўляюцца экстрэмісцкімі.

    Рэспубліканская экспертная камісія па ацэнцы інфармацыйнай прадукцыі на прадмет наяўнасці (адсутнасці) у ёй прыкмет праяў экстрэмізму была створана пастановай Савета Міністраў №810 ад 21 жніўня 2014 года. Таксама была створана сістэма экспертных камісій у кожнай з абласцей Беларусі.

    Колькасць разгледжаных “на экстрэмізм” матэрыялаў апошні раз афіцыйна агучвалася ў лютым 2015 года. Тады Лілія Ананіч на калегіі Міністэрства інфармацыі сказала, што рэспубліканская камісія разгледзела ўжо больш за 100 матэрыялаў і знайшла ў 25‑і з іх “прыкметы, якія падпадаюць пад пазіцыі “экстрэмізм, прапаганда ідэй нацызму, расавай, рэлігійнай нецярпімасці” ці “літаратура, якая магла б выкарыстоўвацца ў тэрарыстычных мэтах”.

    Тады ГА “БАЖ” накіравала ў Мінінфармацыі ліст з просьбай канкрэтызаваць, пра якую літаратуру ідзе гаворка. “Кнігі А. Гітлера, Д. Рокуэла, А.аль-Бадра, дапаможнікі па ваеннай справе і іншыя”, – адказаў на гэта намеснік міністра Уладзімір Матусевіч, паабяцаўшы ў будучым больш падрабязна інфармаваць пра вынікі дзейнасці камісіі праз СМІ.

    Выпадкі вынятку друкаванай літаратуры на мяжы. 2012–2015 г.г. (Табліца, абнаўляецца)

    Сюжэт: Барацьба з экстрэмізмам

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці