У Гомелі затрымалі дырэктара рэкламнай тэлекампаніі «ФілТВ»
Бізнэсоўца з Гомеля Віталя Філінскага прыцягнулі да адміністрацыйнай адказнасці за распаўсюд «экстрэмісцкіх» матэрыялаў, піша «Гомельская Вясна».
Віталь Філінскі. Крыніца фота: gomelspring.org
Паводле дадзеных праваабаронцаў, Віталя Філінскага судзілі 22 сакавіка 2024 года ў судзе Цэнтральнага раёна Гомеля. На яго наклалі спагнанне па частцы 2 артыкула 19.11 Адміністрацыйнага кодэкса (распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці альбо якая прапагандуе такую дзейнасць).
Справу разглядала суддзя Алеся Восіпава. Які прысуд яна вынесла, пакуль невядома.
Віталь Філінскі стварыў телекампанію «ФілТВ» у 1996 годзе. Яе асноўным напрамкам дзейнасці з’яўляецца рэклама на тэлебачаніі і радыё — стварэнне ролікаў, прасоўванне брэндаў, размяшчэнне рэкламы на вядучых беларускіх тэлеканалах і радыёстанцыях. Філінскі таксама з’яўляецца сябрам грамадскага аб’яднання «Адзінства», якое садзейнічае развіццю прыватнага прадпрымальніцтва.
@bajmedia
У Дзень Волі прадстаўнікі беларускай дыяспары ў Іспаніі далучыліся да Марафону салідарнасці
26.03.2024
CPJ заклікае да неадкладнага вызвалення журналіста Андрэя Толчына
22.03.2024
У Варшаве падтрымалі Анджэя Пачобута і выказаліся за свабоду слова ў Беларусі
21.03.2024
Дапамогу для фотажурналіста TUT.BY сабралі на працягу дня
23.10.2024
