• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У інтэрнэце зноў спрабуюць скампраметаваць Паўла Левінава, выкарыстаўшы Youtube

    Гэтым разам невядомыя пакуль паклёпнікі распрацавалі складаную камбінацыю: вырабілі відэаролік і размясцілі яго на youtube ад імя вядомага ў Віцебску актывіста. Ад ягонага ж імя стварылі фэйкавую старонку ў сацсетцы ВКонтакте і зрабілі рассылку сябрам віцебскага праваабаронцы, размясцілі ў папулярных пабліках.

    Калі распавядаць падрабязна, схема ў паклёпнікаў была яшчэ больш скаданая: у роліку распавядаецца  пра тое, нібыта Левінаў сам “выкрываў” віцебскіх актывістаў, а цяпер, маўляў, прыйшоў час даведаюцца праўду пра яго самога.

    Пра тое, як Левінава спрабавалі выставіць “ілжэ-выкрывальнікам”, можна пачытаць у артыкуле “У Face­book з’явіўся фэйкавы акаўнт праваабаронцы Паўла Левінава. Распаўсюджваюць кампрамат ад яго імя”. Што да цяперашняй сітуацыі, то праваабаронца каментуе яе так:

    “Хтосьці вельмі неабыякавы да маёй асобы! Ролік пра мяне называецца “Как заработать на выборах!” Хаця пра выбары там няма ні слова. Затое падрабязна расказана, дзе я жыву — з указаннем адраса і пазнакай на мапе горада, пра маю машыну — не паленаваліся нават яе сфатаграфаваць. Не паленаваліся і зарэгістравацца на «Куфары» ад майго імя, каб размясціць аб’яву, што я прадаю за вялікія грошы недабудаваны дом на ўскраіне Віцебска. Знайшлі артыкул пра мяне на сайце «Радыё Свабода», дзе я абвяргаю іх фэйкавыя захады.

    Скапіравалі мае фотаздымкі з Face­book. Маўляў, вось як  “на пенсію прапаршчыка памерам 350 рублёў” Левінаў ездзіць у замежжа! Толькі перастараліся: на фотаздымку, дзе я сфатаграфаваны на беразе Чорнага мора, напісалі “Алжыр”.

    Павел Левінаў кажа, што ўжо даслаў на  Youtube зварот з прсьбай выдаліць фэйкавыя аккаўнты і адсачыць з’яўленне новых старонак з таго самага IP-адраса.

    Усім, хто хоча пацікавіцца ўмовамі ягонага рэальнага жыцця і побыту, ён рэкамендуе паглядзець зняты летась дакументальны фільм “Ён такі, Павел Левінаў”. Там можна ўбачыць усё: і кватэру, у якой ён жыве, і машыну, на якой ездзіць на лецішча, і само лецішча — простую вясковую хатку. Пра яе стваральнікі паклёпніцкага роліка чамусьці не згадалі: відаць, надта непрезентабельная для “выкрывальніцкіх” мэтаў.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Навіны

    Теперь консул может только изъять паспорт. Что означает новый указ для белорусов, уехавших из страны?

    05.09.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці