У Пінску сёння зноў будуць судзіць блогера Мікалая Клімовіча
27 лютага 2023
У судзе Пінскага раёна і г. Пінска 27 лютага будзе разглядацца крымінальная справа ў дачыненні да мясцовага блогера Мікалая Клімовіча. Яго абвінавачваюць у абразе Аляксандра Лукашэнкі паводле арт. 368 Крымінальнага кодэкса (“Абраза прэзідэнта Рэспублікі Беларусь”).
Падставай для пераследу паслужыла карыкатура. Блогер размясціў у сацыяльнай сетцы сатырычны малюнак з Лукашэнкам.
Нядаўна Мікалая Клімовіча ўжо судзілі за падобныя дзеянні, але па адміністрацыйнай справе паводле арт. 19.10 КаАП. За тое, што ў сацыяльнай сетцы «Одноклассники» дазволіў сабе пасмяяцца з карыкатуры на Уладзіміра Пуціна, намаляванага ў нацысцкай форме — пад карыкатурай паставіў смайлік “смешна”. Суддзя Андрэй Бачыла прызнаў блогера вінаватым у распаўсюдзе нацысцкай сімволікі і прызначыў яму штраф памерам 111 беларускіх рублёў.
27 лютага судовы працэс над блогерам будзе весці таксама суддзя Бачыла.
Увагу сілавікоў сацсеткі Мікалая Клімовіча прыцягнулі ў снежні мінулага года. Тады яго затрымалі і змясцілі ў ізалятар часовага ўтрымання. За кратамі блогер адседзеў трое сутак, пасля яму стала дрэнна з сэрцам, бо мае інваліднасць у сувязі з хваробай сэрца. Міліцыянты перадалі яго лекарам на лячэнне і вызвалілі да суда.
Чытайце яшчэ:
БАЖ праводзіць апытанне аўдыторыі: прайдзіце яго і дапамажыце нам стаць лепш!
“Расказаць праз фотаздымак сваю гісторыю”. Як беларуская журналістка ажыццявіла адукацыйны праект у Варшаве
Рэжысёр Уладзімір Ушакоў: «Не хачу падлічваць, што страціў. За апошнія тры гады здабыткаў было больш»
@bajmedia
Былое кіраўніцтва «Белсата» абвінавачваюць у фінансавых злоўжываннях
08.07.2024
Google начнет помечать изображения, созданные ИИ
19.09.2024
Раман Пратасевіч анансаваў сваё вяртанне ў вялікае блогерства
12.02.2024
«Московский комсомолец» вынудили удалить статью к 70-летию Лукашенко. О чем в ней говорилось?
02.09.2024
