• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У Віцебску стартаваў конкурс журналісцкіх публікацый “Грамадская стужка 2.0”

    Да ўдзелу ў конкурсе запрашаюцца журналісты, аўтары і блогеры, якія працуюць у Віцебску і Віцебскай вобласці. Ад іх чакаюць матэрыялаў пра грамадскую актыўнасць, створаных у самых розных жанрах – ад газетнага матэрыялу да  відэарэпартажу або фотасправаздачы.

    Конкурс праводзіць Віцебскі рэгіянальны медыяцэнтр – моладзевая грамадская структура, якая летась арганізавала для ўсіх ахвотных навучальны курс “Медыя і актывізм”.

    Паводле арганізатараў, мэта конкурсу “Грамадская стужка” палягае ў тым, каб прыцягнуць увагу да тэкстаў сацыяльнай, культурніцкай і грамадска значнай тэматыкі. Працы на конкурс прымаюцца з 14 да 27 студзеня. Пераможцу чакае галоўны прыз — смартфон. Больш падрабязна пра ўмовы конкурсу  паведамляецца на сайце мясцовай культурніцкай пляцоўкі.

    Папярэдні конкурс праходзіў у жніўні-верасні 2018 года. Разгледзеўшы 21 творчую працу, журы вызначыла трох пераможцаў. Адным з іх стаў сябра ГА “БАЖ” Аляксандр Кутынка за артыкул “В Витебске многодетная семья борется с застройщиком из-за плесени в новостройке”, надрукаваны ў газеце “Витебские вести”.   

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці