• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Украінскага журналіста Паўла Шаройку за закрытымі дзвярыма судзяць за шпіянаж

    Пра гэта 12 лютага Беларускай асацыяцыі журналістаў паведаміла прэс-сакратар Вярхоўнага суда Юлія Ляскова.

    Працэс праходзіць у Вярхоўным судзе Беларусі ў закрытым рэжыме.

    На пытанне, чаму пра пачатак разгляду рэзананснай міжнароднай справы стала вядома толькі сёння, Ляскова паведаміла, што ў судах Беларусі штодзённа разглядаецца каля 4 тысяч спраў, і яна не можа ведаць пра пачатак кожнага працэсу.

    Пра тое, калі пачаўся працэс над Шаройкам, Юлія Ляскова паведамляць адмовілася.

    https://baj.media/sites/default/files/event/preview/691bc960-50d0-462b-b483-2fdca1a0a8f1_cx0_cy13_cw0_w1023_r1_s.jpg

    Як нагадвае журналіст Алег Груздзіловіч у матэрыяле «Радыё Свабода», карэспандэнт Грамадскай нацыянальнай тэлерадыёкампаніі Украіны Павел Шаройка быў затрыманы супрацоўнікамі КДБ Беларусі 25 кастрычніка 2017 года ў Мінску і абвінавачаны ў стварэнні ў Беларусі шпіёнскай сеткі з ліку грамадзян краіны, «якія за грашовую ўзнагароду выконвалі ягоныя заданні па збору звестак выведнага характару ў ваенна-палітычнай сферы».

    У дачыненні Шаройкі была заведзеная крымінальная справа паводле 358-на артыкула Крымінальнага кодэкса — за шпіянаж. Таксама, паводле КДБ, быў затрыманы грамадзянін Беларусі, які нібыта выконваў шпіёнскія заданні Паўла Шаройкі на карысць Украіны. Гэты чалавек, чыё прозвішча ў КДБ не называе, быў абвінавачаны ў здрадзе радзіме.

    Тым часам 12 лютага ў Чарнігаве Чарнігаўскі раённы суд правядзе папярэдняе слуханне справы грамадзяніна Беларусі Юрыя Палітыкі, затрыманага летась у чэрвені ў гэтым абласным цэнтры Украіны па падазрэнні ў зборы сакрэтнай інфармацыі на карысць замежнай дзяржавы.

    Судовая калегія ў складзе трох суддзяў пачне слуханне справы а 16.00 паводле кіеўскага часу.

    Папярэдняе слуханне справы мае адбывацца ў адкрытым рэжыме. Разам з тым пры далейшым разглядзе справы суд можа ўхваліць рашэнне аб закрытым фармаце працэсу, паколькі гаворка ідзе пра «сакрэтную інфармацыю», якую Палітыка нібыта збіраў у інтарэсах іншай дзяржавы.

    23 студзеня Палітыка атрымаў абвінаваўчы акт — яму пагражае пазбаўленне волі на тэрмін ад 10 да 15 гадоў з або без канфіскацыі маёмасці.

    Украінскія экспэрты выказвалі думкі, што справа затрыманага ў Беларусі Шаройкі — адказ на затрыманне беларускага грамадзяніна ў Чарнігаве.

    Украінскаму журналісту Шаройку ў Беларусі выставілі афіцыйнае абвінавачваньне ў шпіянажы

    «Гэта лухта», — амбасадар Украіны пра «сетку» ўкраінскіх шпіёнаў у Беларусі, нібыта створаную журналістам Шаройкам

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Навіны

    Теперь консул может только изъять паспорт. Что означает новый указ для белорусов, уехавших из страны?

    05.09.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці