• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Украінская журналістка выйграла суд супраць фігуранта свайго расследавання, які публічна яе зневажаў

    Прадпрымальнік Раман Багмут, пра якога журналістка Марына Коўбан вяла расследванне, пісаў у Фэйсбуку абразлівыя словы на яе адрас. Суд абавязаў яго абвергнуць каментары, але не падтрымаў пункт аб маральнай кампенсацыі.

    Рэдактарка выдання «Сектор життя» Марына Коўбан выйграла суд аб абароне гонару, годнасці і дзелавой рэпутацыі. Падставай для пазову сталі абразлівыя каментары ў Facebook, якія тычыліся яе прафесійнай дзейнасці, паведамляе сайт «Жанчыны ў СМІ».

    Рашэннем Броварскага гарадскога раённага суда Кіеўскай вобласці суд абавязаў адказчыка абвергнуць абразлівыя словы на адрас журналісткі, але не падтрымаў пункт аб маральнай кампенсацыі.

    У 2021 годзе Марына Коўбан падала ў суд з-за абразлівых каментараў бізнэсмена Рамана Багмута, якія ён напісаў у Facebook.

    «Самае мяккае, з таго, што было, — гэта журнашл*ха. Такіх каментароў было шмат. Праз некалькі дзён гэты пост і каментары былі выдалены. Мяркуючы па ўсім, гэта зрабілі адміністратары групы. Але мае сябры паспелі зрабіць скрыншоты», — распавяла журналістка.

    Падставай для абразлівых выказванняў стала расследаванне выдання, якое тычылася праблемнага будаўніцтва ў Броварах. Багмут з’яўляецца ўладальнікам участка, дзе вялося гэтае будаўніцтва.

    Марына Коўбан асабіста сустракалася са сваім апанентам падчас судовых працэсаў аб прыналежнасці кватэр герояў яе расследавання. Багмут, па словах журналіста, ужыў тыя ж абразы, што і ў каментарах, у жывым эфіры, у прысутнасці сведкаў.

    29 жніўня 2022 года суд абавязаў адказчыка не пазней за пяць дзён з моманту ўступлення рашэння ў законную сілу абвергнуць распаўсюджаную ім інфармацыю. У Facebook ён павінен быў паведаміць, што размясціў непраўдзівую інфармацыю, якую суд прызнаў парушаючай права на павагу да гонару, годнасці і недатыкальнасці дзелавой рэпутацыі журналіста.

    Суд не падтрымаў пункт аб маральнай кампенсацыі ў памеры 150 тысяч грывен. Аднак адказчык павінен заплаціць судовы збор у памеры 4086 грывен.

    Паводле Марыны Коўбан, Раман Багмут дагэтуль не выканаў рашэнне суду. Ён паведаміў выканаўчай службе, што не зрабіў абвяржэння, бо выдаліў сваю асабістую старонку ў Facebook. Зараз выканаўчая служба наклала арышт на рахункі адказчыка, паведаміла журналістка.

    На думку Марыны Коўбан, журналістам, асабліва журналісткам, якія часта сутыкаюцца з абразамі, важна не маўчаць і адстойваць свае правы.

    «Трэба выразна казаць, што ніхто не мае права прыніжаць іншага. Калі мы вырашылі падаць у суд, то зразумелі, што ў нас такіх спраў няма. І ўвогуле спраў з журналістамі вельмі мала. Ёсць справы па ўмяшанні ў журналісцкую дзейнасць, па нападах, а па слоўных абразах няма. Суддзі часта адмаўляюць журналістам на працэсе, бо такой практыкі няма. Але так быць не павінна, таму мы вырашылі стварыць прэцэдэнт», — кажа Марына Коўбан.

    Чытайце яшчэ:

    Штучны інтэлект пакуль не заменіць журналістаў, затое можа ім дапамагчы. Даем лайфхакі

    У Кіеве прыпынілі суд па справе Паўла Шарамета: фігуранты на вайне, прысяжныя з’ехалі за мяжу

    ЛІЧБЫ ГОДА. Пераслед журналістаў і медыя ў 2023 годзе

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Телеграм‑бот «Глаз бога» и «Магнит». Как милиционеры пробивают телефонные номера, почты и адреса беларусов

    07.09.2023
    Акцэнты

    Какую информацию о нас хранят телеграм‑боты, чем они опасны и как удалить их из аккаунта? Отвечают эксперты

    Какие данные хранят о пользователях телеграм-боты? Как правильно удалить их из своего аккаунта? Как отличить настоящий бот от фейкового? «Медиазона» отвечает на эти вопросы вместе с разработчиком партизанского телеграма и одним из участников объединения «Киберпартизаны».
    21.08.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці