• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Ваенкамат рыхтуе “партызанскія рагаткі” для фрылансера Жукоўскага

    Журналіста-фрылансера з Гомеля Кастуся Жукоўскага чарговы раз выклікаюць у гарадскі ваенкамат на медыцынскую камісію, каб прызваць на вайсковыя зборы. Папярэдняя камісія, якая праводзілася ўлетку, прызнала 44-гадова сяржанта запаса Жукоўскага годным да вайсковай службы з невялікімі абмежаваннямі.

    Гомельскі гарваенкамат прызначаў нават дату адпраўкі на зборы — 31 ліпеня, аднак у вызначаны дзень Жукоўскага ў “партызаны” так і не адправілі.

    “На медыцынскую камісію ўлетку я затраціў 15 дзён асабістага часу. Цяпер мяне пускаюць на другі круг. Не выключаю, што ўсе гэтыя  “партызанскія рагаткі” ўчыняюцца адмыслова з падказкі ўплывовых асобаў, каб перашкодзіць мне займацца фрылансам,  не даць магчымасці збіраць і распаўсюджваць інфармацыю пра сацыяльныя і эканамічныя падзеі ў рэгіёне”, —  сказаў карэспандэнту службы маніторынгу ГА “БАЖ” Кастусь Жукоўскі.

    Ён звярнуўся з адкрытым лістом на імя ваеннага камісара Гомеля Аляксандра Савянка, у якім патлумачыў, што не адмаўляўся па позве з’явіцца на вайсковыя зборы. І просіць пісьмова патлумачыць прычыны, паводле якіх летам яго не адправілі на такія зборы, а зараз выклікаюць у ваенкамат.на паўторную медкамісію.

    Жукоўскі таксама нагадвае, што перашкоды грамадзяніну Рэспублікі Беларусь у зборы і распаўсюдзе інфармацыі пераследуюцца паводле закону.

    Тым часам намеснік начальніка мабілізацыйнага аддзела Гомельскага ваенкамата Захар Смірноў даслаў на 23 лістапада позву  Жукоўскаму, каб скласці на яго адміністрацыйны пратакол за неяўку ў ваенкамат на медыцынскую камісію.

    Нагадаем, што на падставе адміністрацыйных пратаколаў толькі сёлета раённыя суды Гомельскай вобласці 13 разоў штрафавалі Кастуся Жукоўскага за фрылансерскую дзейнасць.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Навіны

    Теперь консул может только изъять паспорт. Что означает новый указ для белорусов, уехавших из страны?

    05.09.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці