• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Відэаблогер Пятрухін затрыманы ў Берасьці па дарозе да адваката

    Каля 8:45 3 верасьня на аўтобусным прыпынку да Пятрухіна падышлі нейкія людзі, зачыталі пастанову. Відавочца затрыманьня паведаміў праваабаронцам, што чуў пра экспэртызу. Сэнсу пастановы не разабраў, сказаў, што за Пятрухіным сачылі.

    https://baj.media/sites/default/files/event/preview/e2ab8f01-a1ff-48ce-9654-ee0963776316_w1023_r1_s_1.jpg

    Берасьцейскі праваабаронца Ўладзімер Вялічкін паведаміў, што Пятрухіна адвезьлі ў абласное ўпраўленьне камітэта судовых экспэртыз, дзе ён мусіць прайсьці адмысловыя тэсты.

    Пасьля ператрусу і допыту 30 жніўня берасьцейскаму блогеру Сяргею Пятрухіну супрацоўнікі міліцыі Ленінскага РАУС Берасьця паведамілі, што яму неабходна прайсьці псыхіятрычную экспэртызу ў межах заведзеных на яго крымінальных спраў. Блогера вінавацяць адразу па двух артыкулах Крымінальнага кодэксу: частцы 2 артыкулу 188 (паклёп) і частцы 2 арт. 189 (абраза). Пра гэта Пятрухін распавёў праваабаронцам адразу пасьля вызваленьня з аддзяленьня міліцыі.

    «Прымусовая дастаўка блогера на агляд зьвязаная ня столькі з самой працэдурай, колькі з тым, каб чарговы раз націснуць на псыхіку блогера, запахохаць яго, зламіць волю да супраціву, каб болей не здымаў і не агалошваў факты беззаконьня, якія зьдзяйсняюць берасцейскія ўлады», — пракамэнтаваў здарэньне праваабарончаму сайту «Вясна» Ўладзімер Вялічкін.

    Сьледчы па крымінальнай справе прызначыў агляд на панядзелак, Пятрухін меўся падысьці на яго ў дамоўлены час, але супрацоўнікі міліцыі вырашылі зрабіць гэта прымусова.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці