• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Выйшаў фотаальбом журналіста Вітаўта Мартыненкі пра беларускую рок-культуру

    Журналіст і музычны крытык Вітаўт Мартыненка дачасна сышоў з жыцця ў 2016 годзе, так і не дачакаўшыся рэалізацыі старой задумы — максімальна поўнай і багата ілюстраванай анталогіі беларускага року пад назвай “Прадмовы й пасьляслоўі”. Да лагічнага завяршэння ідэю даводзілі сябры і паплечнікі.

    “Кніга-фотаальбом «Прадмовы й пасьляслоўі» мелася выйсці яшчэ ў 2007‑м. Яна складаецца з тэкстаў рок-журналіста Вітаўта Мартыненкі да выбраных буклетаў музычных альбомаў, якія з’явіліся цягам 1989–2006 гадоў, і ілюстрацыйных матэрыялаў, перададзеных аўтару фотаадмыслоўцамі і рок-гуртамі, а таксама Дзяржаўным музеем літаратуры і мастацтва Беларусі”, — адзначаецца ў прадмове да выдання. 

    Назва «Прадмовы й пасьляслоўі» не выпадкова ўзыходзіць да аднайменнага канцэптуальнага збору беларускага першадрукара Францішка Скарыны, бо ў прэзентаванай пасмяротнай працы традыцыйна выяўляецца схільнасць Вітаўта Мартыненкі шукаць свае карані ў тысячагадовых традыцыях нацыянальнай культуры.

    Ініцыятары выдання спадзяюцца, што беспрэцэдэнтная рок-анталогія зацікавіць усе катэгорыі чытачоў, незалежна ад узросту і абазнанасці ў музычнай тэме: нехта будзе рады пабачыць рэдкія здымкі знакавых гуртоў і выканаўцаў, хтосьці паспрачаецца з аўтарскай інтэрпрэтацыяй, а іншыя адкрыюць для сябе імёны куміраў колішняй моладзі. 

    Кніга складаецца з аўтарскіх тэкстаў да выбраных музычных альбомаў, у літаральным сэнсе накладзеных на здымкі найлепшых музычных хранікёраў айчыннага шоў-бізнесу. Набыць “Прадмовы й пасьляслоўі” можна на інтэрнэт-старонцы vjn.ee.

    Вітаўт Мартыненка — беларускі журналіст, музычны крытык, аўтар музычных выданняў, дзеяч нацыянальнага Адраджэння. Нарадзіўся ў 1959 годзе ў Мінску, скончыў факультэт журналістыкі Белдзяржуніверсітэта. Сябра Саюзу журналістаў СССР і Беларускай асацыяцыі журналістаў.

    Ад сярэдзіны 1980‑х на працягу 10-ці гадоў працаваў аглядальнікам,  адказным сакратаром, намеснікам галоўнага рэдактара моладзевай газеты “Чырвоная змена”, вёў музычную рубрыку “Мелодыя” (затым — “Нотны аркуш”). Паралельна ад 1989-га быў карэспандэнтам рэдакцыі Радыё “Свабода”, арганізаваў там беларускі музычны хіт-парад. Затым працаваў намеснікам галоўнага рэдактара тыднёвіка “Кинонеделя Минска”.

    Яшчэ за савецкім часам разам з паплечнікам і суаўтарам шматлікіх сумесных выданняў Анатолем Мяльгуем выступіў ініцыятарам стварэння музычнага рок-клуба “Няміга”. Браў непасрэдны ўдзел у арганізацыі феставаляў “Тры колеры”, “Басовішча” ды іншых.

    Акрамя таго, актыўны ўдзельнік грамадска-палітычнага жыцця – актывіст “Талакі”, “Тутэйшых” ды іншых адраджэнскіх суполак. У 1988‑м стварыў у “Чырвонай змене” адну з першых груп падтрымкі Беларускага Народнага Фронта. У тым жа годзе за ўдзел у жорстка разагнаным шэсці “Дзяды” быў асуджаны да адміністрацыйнага пакарання. 

    Аўтар музыказнаўчых кніг “Праз рок-прызму”, “222 альбомы беларускага року і не толькі” (абедзьве з Анатолем Мяльгуем), “Rock on-line”, “Пошукі ідыліі”, “Прадмовы й пасьляслоўі” і г. д.  

    Таксама пісаў прозу, вершы, рэцэнзіі, якія друкаваліся ў беларускіх і замежных часопісах, перакладаліся на польскую, расійскую, украінскую  мовы, выдаваліся ў кніжных зборніках і на кампакт-дысках рок-гуртоў.

    Вітаўт Мартыненка памёр 17 красавіка 2016 года ў выніку шматгадовай барацьбы з цукровым дыябетам.

    Чытайце яшчэ:

    “Летапісец беларускага року”: дзеячы культуры ўзгадваюць журналіста Вітаўта Мартыненку

    На магіле журналіста Уладзіміра Паца з’явіўся помнік

    Анастасія Станко: «Некалькі маіх сяброў забітыя, мы жывём без электрычнасці, гарачай вады. Але я мушу быць аб’ектыўнай»

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці