Журналіста CNN пазбавілі акрэдытацыі ў Белым доме. Прэзідэнцкі пул заступіўся за карэспандэнта
8 лістапада 2018
Карэспандэнт тэлеканала CNN Джым Акоста пазбавіўся акрэдытацыі ў Белым доме. Гэта адбылося неўзабаве пасля прэс-канферэнцыі ў Вашынгтоне, на якой прэзідэнт Трамп пасварыўся з журналістам, піша New York Times.
Акоста апублікаваў у твітэры відэа, на якім яго пропуск у Белы дом канфіскуе супрацоўнік Сакрэтнай службы ЗША.
Кіраўніцтва тэлеканала асудзіла дзеянні адміністрацыі Трампа, наўпрост звязаўшы іх з нязручнымі пытаннямі, якія Акоста задаваў прэзідэнту на прэс-канферэнцыі.
Падтрымку журналісту таксама выказала асацыяцыя карэспандэнтаў прэзідэнцкага пула ЗША, запатрабаваўшы перагледзець рашэнне пра пазбаўленне акрэдытацыі Акосты.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
