Журналіста, які фатаграфаваў расійскую тэхніку, будуць судзіць 13 ліпеня — да 6 гадоў калоніі
5 ліпеня 2022
Баранавіцкага журналіста Intex-press Юрыя Ганцарэвіча вінавацяць ў «садзейнічанні экстрэмісцкай дзейнасці» (арт.361-4 Крымінальнага кодэкса).
Справу супраць журналіста пачне разглядаць Брэсцкі абласны суд 13 ліпеня. Пра гэта стала вядома Беларускай асацыяцыі журналістаў.
Юрыя Ганцарэвіча затрымалі ў маі гэтага года з‑за таго, што ён фатаграфаваў расійскую вайсковую тэхніку і дасылаў здымкі ў незалежныя медыя. Паколькі раней улады прызналі вядучыя беларускія незалежныя медыя «экстрэмісцкімі фармаваннямі», то журналіста абвінавацілі менавіта ў садзейнічанні такому «фармаванню».
Праваабаронцамі Юрый быў прызнаны палітзняволеным.
Юрыю Ганцарэвічу 23 гады, родам ён з Мікашэвічаў. Раней супрацоўнічаў з інтэрнэт-выданнямі ў Лунінцы і Брэсце. Апошнім часам Юрый працаваў для баранавіцкага незалежнага выдання Intex-press, дзе ў асноўным выконваў абавязкі фатографа.
@bajmedia
Блогер Vadimati распавёў, што сапраўды захварэў на анкалогію пасля зняволення
07.08.2024
УЕФА подтвердил трансляцию Евро-2024 в Беларуси
14.06.2024
Журналістаў Алеся Сабалеўскага і Яўгена Глушкова будуць судзіць па артыкулах за ўдзел у экстрэмісцкім і ўзброеным фарміраваннях
08.07.2024
У Беларусі прайшла хваля ператрусаў у кватэрах прадстаўнікоў медыя
01.08.2024
