Журналісты РБК маглі быць звольненыя з‑за расьсьледаваньняў «панамскага архіву»
19 мая 2016
Былы шэф-рэдактар РБК Лізавета Асяцінская зьвязала звальненьне шэрагу супрацоўнікаў холдынгу з публікацыяй матэрыялаў аб «панамскім архіве». Пра гэта паведамляе Бі-Бі-Сі.
У інтэрвію Financial Times Асяцінская заявіла, што яна прасіла журналістаў РБК працягнуць вывучаць пытаньне аб афшорных кампаніях, якія належаць людзям з акружэньня прэзыдэнта Расеі Уладзіміра Пуціна.
«Калі вы паглядзіце на асноўныя расьсьледаваньня, якія мы зрабілі, яны ўсё заснаваныя на адным і тым жа прынцыпе: ідзіце за грашыма», — заявіла Асяцінская. Журналісты РБК, на яе думку, дзейнічалі правільна, паколькі вынікі расьсьледаваньня былі цікавыя чытачам.
13 траўня кіраўніцтва РБК звольніла галоўнага рэдактара газэты Максіма Солюса, шэф-рэдактара холдынгу Лізавету Асяцінскую і галоўнага рэдактара інфармацыйнага агенцтва РБК Рамана Баданіна. «Апошнім часам мы шмат размаўлялі пра тое, як далей разьвіваць РБК, і ў гэтых размовах не змаглі прыйсьці да адзінага меркаваньня, таму прынялі рашэньне расстацца», — паведамляў гендырэктар РБК Мікалай Малібог.
Міжнародная арганізацыя «Рэпарцёры без межаў» назвала звальненьне «актам ўціхамірваньня» незалежнай журналістыкі ў Расіі.
У Крамлі датычнасьць уладаў да звальненьняў у РБК адмаўляюць.
PБК — вядучы мультымэдыйны холдынг Расеі (ад Росбізнэсканстатынг), арыентаваны на навіны і бізнэс-інфармацыю. Уключае аднайменны тэлеканал, інтэрнэт- і друкаваныя СМІ.
@bajmedia
