• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Звальненне з «Unistar»: «згода бакоў» ці ўсё ж ідэалогія?

    Многія СМІ 17 ліпеня паведамілі пра звальненне журналіста FM-радыё «Unistar» Сяргея Грудніцкага «за выкарыстанне ў выпуску навінаў паведамленняў інфармацыйнай кампаніі БелаПАН».

    «Супрацоўніцтва з радыё «Unistar» з падачы Мінінфарма на гэтым сканчаецца. Нагодай сталі дзве БелаПАНаўскія навіны ў эфіры (цалкам, дарэчы, бяскрыўдныя). Але для іх, як вядома, важна не толькі ШТО, але і АДКУЛЬ», — напісаў Сяргей Грудніцкі на сваёй старонцы ў Фэйсбуку.

    20 ліпеня, дарэчы, гэтага допісу на старонцы журналіста ўжо не было – толькі падзяка за чалавечую салідарнасць. Як патлумачыў сам Сяргей Грудніцкі прэс-службе ГА «БАЖ», ён зняў допіс па просьбе кіраўніцтва радыё з‑за вялікага розгаласу, што атрымала гэтая гісторыя 17 ліпеня. Між тым, ад сваіх словаў журналіст не адмаўляецца і па-ранейшаму сцвярджае, што прычынай скасавання працоўных стасункаў сталі зачытаныя ў эфіры навіны БелаПАН. Падрабязней на гэтую тэму ён будзе гатовы пагутарыць пазней.

    Профіль вядоўцы на сайце «Unistar» дагэтуль ёсць, і афіцыйна ён там яшчэ працуе.

    Гэта пацвердзіў прэс-службе ГА “БАЖ” праграмны дырэктар радыё Аляксандр Налівайка. Ён паведаміў, што Сяргей Грудніцкі пакуль задзейнічаны на выпусках навінаў і будзе працаваць яшчэ некалькі дзён. Але працоўныя стасункі з ім сапраўды скасоўваюцца з фармулёўкай «па згодзе бакоў».

    Інфармацыю пра тое, што прычынай сталі навіны БелаПАН, сп. Налівайка аспрэчыў. «Ніякай ідэалагічнай падаплёкі тут няма. Мы займаемся музыкай, а не палітыкай», – некалькі разоў падкрэсліў ён. Па словах праграмнага дырэктара, на радыё проста адбываюцца арганізацыйныя і кадравыя змены – напрыклад, пасады кіраўніка інфармацыйнай службы, якую займаў Сяргей Грудніцкі, цяпер наогул не будзе.

    Аляксандр Налівайка кажа, што забароны на выкарыстанне нейкіх крыніц інфармацыі на «Юністар» няма. Ёсць пералік СМІ, з якімі радыё мае дамовы пра супрацоўніцтва, але БелаПАН – не ў іх ліку. На пытанне, ці ўмешваецца Мінінфармацыі ў дзейнасць радыёстанцыі, праграмны дырэктар сказаў: «Коратка адказваючы на ваша пытанне – не».  

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Навіны

    Теперь консул может только изъять паспорт. Что означает новый указ для белорусов, уехавших из страны?

    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці