У Брэсце адбыўся трэнінг для грамадскіх актывістаў, што займаюцца сувязямі са СМІ
23 студзеня 2017
Заняткі ладзіліся з удзелам вядомага журналіста і медыяэксперта Паўлюка Быкоўскага, які дзяліўся досведам, што можа быць запатрабаваны тымі, хто толькі пачынае сваю грамадскую дзейнасць.
Падчас трохгадзіннага інтэнсіўнага курса удзельнікі трэнінгу пазнаёміліся з базавымі прынцыпамі працы грамадскіх арганізацый са СМІ і медыяпланаваннем, асноўнымі інструментамі працы з журналістам.
Таксама акцэнт быў зроблены на ўдалых прыкладах узаемадзеяння грамадскіх арганізацый са СМІ на рэгіянальным узроўні і падчас асвятлення доўгатэрміновай кампаніі.
Размова ішла і пра тое, як стварыць уласную інфармацыйную нагоду і выкарыстаць іншыя нагоды, каб зацікавіць журналістаў. Гаварылі і пра правілы, што тычацца падрыхтоўкі да інтэрв’ю (асабліва да відэазапісаў).
Падчас трэнінгу адбыліся практычныя заняткі па фармуляванні ключавога паведамлення, што рабіла б працу грамадскай арганізацыі ў стасунках са СМІ больш плённай і эфектыўнай.
@bajmedia
Працягваецца збор на падтрымку Андрэя Гнёта
16.09.2024
Памерла Дзіяна Чаркасава, маці забітай у 2004‑м годзе журналісткі
24.06.2024
Тэлеграм-канал «БАЖ Беларуская асацыяцыя журналiстаў» прызналі «экстрэмісцкім»
14.02.2024
Больш за 2300 паштовак са словамі падтрымкі: у Польшчы ладзяць акцыю салідарнасці з Анджэем Пачобутам
03.01.2024
