Журналіста «Белсата» Віктара Ярашука пакаралі штрафам у 40 базавых
22 сакавіка 2017
Раніцай у сераду ў Пінску быў затрыманы журналіст тэлеканала "Белсат" Віктар Ярашук. Журналіста затрымалі на вуліцы два чалавекі ў цывільным і прапанавалі яму прайсці ў будынак міліцыі нібыта для размовы.
Пазней у міліцыі супраць Ярашука быў складзены адміністрацыйны пратакол паводле артыкула 22.9 Кодэкса аб адміністрацыйных правапарушэннях (парушэнне парадку вырабу і распаўсюду прадукцыі СМІ).
Супрацоўнікі міліцыі даставілі журналіста ў суд Пінскага раёна, які аператыўна заслухаў справу і прызнаў Віктара Ярашука вінаватым ды пакараў штрафам у 40 базавых велічыняў (920 беларускіх рублёў). Журналіст намераны абскардзіць затрыманне і судовае рашэнне.
Рэпрэсіі супраць журналістаў у Беларусі ў 2017 годзе (Табліца, абнаўляецца)
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
Галоўны рэдактар iXBT.games атрымаў 10 сутак адміністрацыйнага арышту
19.03.2024
Распачаўся збор сродкаў на адвакатаў для Андрэя Гнёта
29.03.2024
Бабруйскі журналіст Дзяніс Носаў выйшаў на волю пасля «сутак»
25.04.2024
Гарадзенку аштрафавалі за падпіску на Instagram журналіста Руслана Кулевіча
15.03.2024
