У Гродне — выстава кіраўніка маскоўскага фотаклуба “Студыя 110” Дзмітрыя Давыдава

Пра працы, прадстаўленыя на выставе, распавядае арганізатар экспазіцыі, кіраўнік заслужанага творчага калектыва фотаклуб “Гродна” Аляксандр Ласмінскі:

— Упершыню ў гэтым годзе мы прадстаўляем экспазіцыю маскоўскага фотаклуба “Студыя 110”, з якім гродзенцы сябруюць больш за 15 год. Плён ад гэтага сяброўства ў тым, што мы вучымся ў масквічоў, а яны ў нас сучасным прыёмам фотамастацтва. Цяпер у Гродне прадстаўленыя працы Дзмітрыя Давыдава — мастацкага кіраўніка “Студыі 110”, вядомага ў Маскве выкладчыка мастацтва фатаграфіі. Ён паспяхова выкладае і фатаграфію, і дызайн у некальніх навучальных установах Масквы. Ён рознапланавы фотамастак, які спрабуе сябе ў розных жанрах.

Якія жанры гэтага фотамайстра прадстаўленыя на выставе і што цікавага наш беларускі фатограф можа “ўзяць” ад гэтага чалавека?

Кожны фатограф здымае, што ён бачыць. А вось форма і нейкія прыёмы і афармленне і кампазіцыйнае рашэнне здымкаў – гэта ўсё падказвае выстава любога майстра.

Дзмітрый Давыдаў — матэматык па адукацыі, але фатаграфія так захапіла, што стаў займацца толькі ёю. Працаваў фатографам на некальніх вядомых здымачных пляцоўках “Масфільма”, а таксама ўдзельнічаў у некальніх цікавых праектах. Напрыклад, быў у экспедыцыі ЮНЭСКА “Шоўкавы шлях”, потым рабіў праект 100-годдзе рускай ілюстраванай паштоўкі. Таксама ён вядомы як аўтар культурніцкага праекта “Руская Амерыка”.

На выставе прадстаўлена амаль паўсотні працаў, яна будзе працаваць для ўсіх гродзенцаў і гасцей горада да 15 жніўня.