Шасці рэдактарам TUT.BY і іншым журналістам прад’явілі абвінавачванні па «справе БЕЛТА»
11 лістапада 2018
Рэдактар партала TUT.BY Галіна Уласік пасля допыту ў Следчым камітэце паведаміла, што абвінавачванні прад'явілі шасці асобам з іх рэдакцыі. Таксама абвінавачванне прад'яўлена галоўнаму рэдактару БелаПАН Ірыне Леўшынай, карэспандэнту Deutsche Welle Паўлюку Быкоўскаму і галоўнаму рэдактару партала Realt.by Уладзіславу Кулецкаму.
Галіна Уласік распавяла, што ёй прад’явілі абвінавачванні па «справе БЕЛТА». Яна мусіць сплаціць каля 17 000 рублёў нанесенай шкоды.
Рэдактар партала TUT.BY Галіна Уласік паведаміла, што абвінавачванні ўжо прад’яўленыя шасці асобам з іх рэдакцыі. Агулам у «справе БЕЛТА» фігуравалі восем асобаў з TUT.BY.
Галоўны рэдактар інфармагенцтва БелаПАН Ірына Леўшына пасля допыту ў Следчым камітэце распавяла, што ёй прад’яўлена вялікая сума шкоды, якую трэба пагасіць. Таксама следчыя вярнулі рэчы, якія забралі пасля вобшука: нататнікі, тэлефонную кнігу.
— Гэта было прад’яўленне абвінавачвання. Я не прызнала сваёй віны, на некаторыя пытанні адмовілася адказваць. Агулам сёння была хутчэй размова са следчым. І я яшчэ раз пераканался, што следчыя ўсё разумеюць, і што да іх было даведзена, што трэба рабіць. Усім усё зразумела.
Агульная сума, якую мне прапанавалі пагасіць, — больш за 12 тысяч рублёў.
БелаПАН працуе ў ранейшым рэжыме.
«Я б сказала, што больш на нашу працу паўплываў сыход Алеся Ліпая», — заўважыла Ірына.
Нагадаем, 7 жніўня ў офісах кампаній TUT.BY і БелаПАН прайшлі ператрусы і затрыманні. Былі затрыманыя галоўны рэдактар TUT.BY Марына Золатава, рэдактары партала Ганна Калтыгіна, Галіна Уласік і Ганна Ермачонак, галоўны рэдактар БелаПАН Ірына Леўшына і міжнародны аглядальнік інфармагенцтвы Таццяна Каравянкова, журналіст «Нямецкай хвалі» Паўлюк Быкоўскі і рэдактар інтэрнэт-сайта газеты «Беларусы і рынак» Аляксей Жукаў. Усе яны правялі па некалькі сутак у ізалятары часовага ўтрымання на Акрэсціна. 27 жніўня большасці падазраваных быў забаронены выезд з краіны.
Журналістаў і рэдакцыі падтрымалі Еўрасаюз, Савет Еўропы, ЗША, а таксама міжнародныя праваабарончыя арганізацыі.
25 верасня рэдактар TUT.BY Дзмітрый Бобрык выступіў з заявай у сваім Facebook. Журналіст паведаміў, што з самага пачатку расследавання па «справе БЕЛТА» на яго аказваўся ціск, яму пагражалі раскрыццём дэталяў асабістага жыцця.
Таццяне Каравянковай выстаўлена абвінавачванне па «справе БЕЛТА»
Фигурантам «дела БЕЛТА» начали предъявлять обвинения
@bajmedia
Віцебскі відэаблогер Віталь Усціновіч паведаміў, што ідзе ў суд і знік. Верагодна, яго пакаралі «суткамі»
15.02.2024
«Мы вас мусім вярнуць на тэрыторыю Польшчы». Журналіст Андрэй Мялешка расказаў падрабязнасці дэпартацыі з Грузіі
16.09.2024
БТ адказала на скаргу Бондаравай: Гледачы просяць паказваць Білана і Асці, а вам раім «Панараму»
29.01.2024
Вярхоўны суд разгледзіць апеляцыйныя скаргі відэааператара Вячаслава Лазарава і Таццяны Пыцько
20.11.2023
