Суд спыніў справу супраць брэсцкага фрылансера Яўгена Скрабца
4 сакавіка 2019
Пра гэта Яўген Скрабец даведаўся ўчора з пастановы суда, якую атрымаў па пошце. У лісце паведамляецца, што такое рашэнне 18 лютага прыняла суддзя Маскоўскага раёна Брэста Раіса Лабачэўская. Паводле яе тлумачэння, справа спыненая ў сувязі са “сканчэннем тэрмінаў накладання адміністрацыйнага спагнання”.
Адміністрацыйная справа ў дачыненні брэсцкага журналіста-фрылансера Яўгена Скрабца была распачатая ў снежні 2018 года на падставе публікацыі “Выстава “Вечнасць і момант. 1918—1939 — Польшча моцная архітэктурай”.
Паводле пратакола, Скрабец парушыў артыкул 22.9 КаАП, бо “злоўжываў правам і абавязкамі журналіста, вырабіў прадукцыю сродку масавай інфармацыі ў выглядзе інфармацыйнага тэкставага паведамлення на сайце “Радыё Рацыя”.
4 лютага суддзя Маскоўскага раёна Брэста Раіса Лабачэўская заявіла, што ў пратаколе няма спасылкі на канкрэтную частку артыкула 22.9 КаАП, а таму вярнула справу на дапрацоўку ў міліцыю. Такім чынам судовае пасяджэнне было перанесена, а зараз выйшлі тэрміны, на падставе якіх Яўгена Скрабца можна было прыцягнуць да адказнасці паводле гэтага адміністрацыйнага пратакола.
У мінулым годзе Яўген Скрабец быў тройчы аштрафаваны за працу на замежны СМІ без акрэдытацыі і агулам пакараны на 65 базавых велічынь (1 592,5 рублі).
#праванаінфармацыю
#pravanainfo
@bajmedia
У панядзелак у Беластоку пройдзе акцыя салідарнасці з Анджэем Пачобутам
22.09.2023
«Даярка з Хацапетаўкі» абагнала Эйсманта. Што найбольш глядзелі на ТБ у студзені
15.02.2024
Белорусская районка каждый месяц печатала данные из загса о новорожденных. Люди пожаловались и на загс, и на газету
18.04.2024
Былы тэлевядучы расказаў, каго КДБ прасоўваў на «Песню года Беларусі»
13.02.2024
