Спынена крымінальная справа ў дачыненні да блогера з Бярозы Аляксандра Кабанава
9 ліпеня 2019
Сёлета ў сакавіку вядомы блогер быў абвінавачаны ў прысваенні чужых грошай, па месцы яго жыхарства ладзіліся вобшукі. У Следчым камітэце паведамлялі, што Аляксандр Кабанаў нібыта прысвоіў больш за 400 рублёў ад жыхароў дома, дзе пражываў, “на дзяржаўную рэгістрацыю таварыства ўласнікаў і выраб праектнай дакументацыі на будаўніцтва падвальных памяшканняў”.
Сам Аляксандр Кабанаў тлумачыў, што гэтыя грошы пералічваліся яму ў якасці заробку за тэрмін, калі ён быў старшынёй таварыства ўласнікаў. У выніку ніякага крыміналу ў дзеяннях блогера не знайшлі: справа спыненая за адсутнасцю складу злачынства.
Блогера з Бярозы Аляксандра Кабанава, як і яго брэсцкага калегу Сяргея Пятрухіна, раней неаднойчы прыцягвалі да адміністрацыйнай адказнасці. У прыватнасці, за тое, што не выдаліў відэаролікі для відэаканала «Народны рэпарцёр», у якіх асвятлялася сітуацыя вакол будаўніцтва пад Брэстам акумулятарнага завода “АйПаўэр”, а таксама за ўдзел у несанкцыянаваных масавых акцыях мясцовых жыхароў супраць гэтага завода.
@bajmedia
Пайшоў з жыцця журналіст і паэт Алесь Мацулевіч
04.12.2023
У Віцебску затрымалі былога выдаўца і распаўсюджвальніка незалежнай прэсы Барыса Хамайду
24.01.2024
У ліпені хутчэй за ўсё сярод іншых тавараў даражэлі газеты
12.08.2024
На аўтараў і гасцей белсатаўскага шоу «План:Б» завялі крымінальнаую справу
12.09.2024
