Ад 9 да 12 гадоў калоніі: праваабаронцам «Вясны» запрасілі тэрміны

У судзе Ленінскага раёна Мінска 9 лютага адбываюцца судовыя спрэчкі па крымінальнай справы супраць старшыні «Вясны» і Нобелеўскага лаўрэата Алеся Бяляцкага, ягонага намесніка і віцэ-прэзідэнта FIDH Валянціна Стэфановіча, каардынатара кампаніі «Праваабаронцы за свабодныя выбары» Уладзіміра Лабковіча і праваабаронцы Дзмітрыя Салаўёва (у парадку спецыяльнай вытворчасці). За месяц на працэсе дапыталі сведак, даследвалі ўсе 284 тамы крымінальнай справы і дапыталі праваабаронцаў.

Дзяржаўнае абвінавачванне лічыць, што віна праваабаронцаў паводле ч. 4 арт. 228 («кантрабанда арганізаванай групай») і ч. 2 арт. 342 Крымінальнага кодэкса («фінансаванне групавых дзеянняў, якія груба парушаюць грамадскі парадак») цалкам даказаная. Аляксандр Кароль запрасіў наступныя тэрміны для вясноўцаў:

• старшыні «Вясны» і Нобелеўскага лаўрэата Алеся Бяляцкага – 12 гадоў калоніі;

• намесніка старшыні «Вясны» і віцэ-прэзідэнта FIDH Валянціна Стэфановіча – 11 гадоў калоніі;

• каардынатара кампаніі «Праваабаронцы за свабодныя выбары» Уладзіміра Лабковіча – 9 гадоў калоніі;

• праваабаронцы «Вясны» Дзмітрыя Салаўёва – 10 гадоў калоніі завочна.

Усім узмоцнены рэжым і штраф па пяць тысяч рублёў.

Пад вартай праваабаронцы ўтрымліваюцца з 14 ліпеня 2021 года.

Чытайце яшчэ:

Шэнгенскі бан для журналіста і праваабаронцы. Як бюракратыя прыводзіць да жыццёвай драмы

Дзмітры Плакс: Беларускія справы ў Швецыі сталі менш гучнымі, але не менш важнымі

Сайт барановичского издания Intex-press разблокировали в Беларуси