Выйшла новая двухмоўная кніга Сяргея Календы пра хлопца Томаса
5 сакавіка 2025
У выдавецтве Gutenberg Publisher выйшла новая кніга для дзяцей пісьменніка і рэдактара Сяргея Календы — «Хлопец Томас. Tomas the Boy». Навінку склалі 12 вясёлых і захапляльных гісторый па-беларуску і па-англійску.
Фота: з сайта bellit.info
Гэтая кніга — зборнік забаўных гісторый пра хлопца Томаса. Гэта цікаўнае дзіцё, якому да ўсяго ёсць справа і якое мае свой погляд на кожнае здарэнне. На шчасце, ягоны тата знаходзіць паважлівыя спосабы, каб паказаць малому тое, што адбываецца, выхаваць павагу да іншых, але і навучыць добра бавіць час.
Раней свет пабачыла іншая кніга Сяргея Календы — “Хлопчык Томчык. Tomčyk the Boy”. Томас падрос, яго гісторыі таксама падраслі, аднак засталіся такімі ж праўдзівымі і вясёлымі.
Вы даведаецеся, як трэба спяваць, таньчыць танцы і правільна падтрымліваць адзін аднаго, а яшчэ вас чакаюць аповеды пра салёнае мора, машыны, самалёты і нават чэмпіянат свету!
Набыць кнігіу можна праз сайт выдавецтва gutenbergpublisher.eu.
@bajmedia
Сяргей Календа плануе зрабіць у сакавіку прэзентацыі чацвёртага і шостага нумароў «Мінкульта»
27.02.2023
Галоўрэд Сяргей Календа: «Для “Мінкульта” самая вялікая перспектыва, калі ў Беларусі ён будзе ў кожным шапіку»
22.07.2022
Літаратурны часопіс «Мінкульт» пераехаў у Вільню
15.06.2022
Дэмсілы дамагаюцца санкцый ЕС у дачыненні да тэлеканалаў АНТ і СТБ
28.04.2024
