У Belarus Tomorrow з’явілася вэб-версія

Стрымінгавая платформа Belarus Tomor­row прэзентавала на канферэнцыі «Новая Беларусь» свой сайт — bt.media.

Стрымінгавая платформа Belarus Tomor­row. Фота: «Еўрарадыё»

Belarus Tomor­row збірае кантэнт у YouTube транслюе яго праз спадарожнік Hot­bird. Сігнал дасяжны для 128 тысяч хатніх гаспадарак у Беларусі, а таксама для гледачоў у краінах Еўрасаюза, Турцыі, Расіі. Заснавальнікі платформы ўпэўнены, што гэта — першы крок да стварэння беларускага грамадскага тэлебачання.

Платформа стварае супольную сетку вяшчання 24/7, аб’ядноўваючы вядучыя беларускія медыі, блогераў і экспертаў.

Дзякуючы платформе, можна глядзець улюбёны кантэнт бяспечна, зручна і без VPN — у тэлевізары, на камп’ютары ці ў смартфоне.

На платформе ўжо дасяжны кантэнт ад Еўрарадыё, Malan­ka Media, «Беларусы і рынак», «Зеркало», MOST, «Будзьма беларусамі!», BELPOL, а таксама папулярныя праекты: «ТОК», «Беларусы Могуць», БРЦ, TrashS­mash, «Беларускі вайб», Media Hub Belarus, Razam, «Перетрем с Халезиным», «Мы вернемся», «Краіна для жыцця» і іншыя.

У медыяпрасторы з’явіўся новы гулец: ці пачуе свет голас беларусаў

Нагадаем, што ўладальнікі стрымінгу плануюць пашырэнне. Прынамсі, для больш шырокага пакрыцця ёсць намер далучыць спадарожнік Astra. Таксама зараз у распрацоўцы знаходзіцца дадатак для Google TV — гэта дасць магчымасць глядзець кантэнт платформы з тэлевізара, нават калі нешта будзе заблакавана. І разглядаецца магчымасць інтэграцыі ў камерцыйныя кабельныя сеткі. 

Асноўны кантэнт будзе даступны бясплатна. У перспектыве могуць з’явіцца дадатковыя платныя функцыі: напрыклад, прэміум-доступ без рэкламы або з магчымасцю фарміравання ўласнага эфірнага раскладу.