«Ня стала майго таты. Яму было ўсяго 47 гадоў. Пакуль дакладна ня ведаю, як і што адбылося. Зараз я проста адчуваю боль і мне трэба зразумець, як жыць далей з гэтым. Але хачу, каб пра майго тату пісалі, каб яго ведалі і памяталі людзі. Бо ён быў цудоўным чалавекам, любіў людзей і вельмі шмат зрабіў для журналістыкі і мастацтва», — цытуе Васіліну Сакалоўскую «Люстэрка».
Беларуская асацыяцыя журналістаў паведаміла, што Сакалоўскі памёр у суботу 21 лютага і што неўзабаве будзе абвешчаны збор сродкаў на пахаваньне.
Да 2020 году Сакалоўскі быў апэратарам Белтэлерадыёкампаніі. Ён быў затрыманы ў канцы 2020 году па справе «Прэс-клюбу». Быў вызвалены 23 жніўня 2021 году і вымушана зьехаў у Нямеччыну.
Беларуская асацыяцыя журналістаў выказавае глыбокія спачуванні ўсім родным і блізкім Дзяніса.
