«Экстрэмісцкі» спіс Мінінфарма: сайт фотаагенцтва LookByMedia і Instagram-акаўнт медыякансультанта Дзяніса Васількова

Міністэрства інфармацыі Беларусі 27 жніўня чарговы раз папоўніла на сваім сайце Рэспубліканскі спіс экстрэмісцкіх матэрыялаў.

Фота: сацсеткі медыякансультанта Дзяніса Васількова

У пералік забароненых да распаўсюду на тэрыторыі Беларусі інтэрнэт-рэсурсаў у ліку іншых беларускія ўлады ўнеслі сайт незалежнага фотаагенцтва Look­By­Media (ідэнтыфікатар https://www.lookby.media). «Экстрэмісцкай інфармацыйнай прадукцыяй» кантэнт сайта прызнаў 20 жніўня 2026 года суд Лунінецкага раёна Брэсцкай вобласці.

Сайт фотаагенцтва стварыў у 2025 годзе беларускі фатограф Сяргей Балай з мэтай захаваць візуальную памяць Беларусі і вырашыць праблему вострага дэфіцыту якаснага і актуальнага беларускага фотакантэнту для незалежных медыя, блогераў і даследчыкаў.

Месяц таму ў спіс «экстрэмісцкіх матэрыялаў» быў унесены Insta­gram-акаўнт «look­by­media (Look­By­Media — незалежнае беларускае фотаагенцтва)».

У «экстрэмісцкі» спіс Мінінфарма ўключылі таксама Insta­gram-акаўнт з назвай vasilkov (ідэнтыфікатар https://www.instagram.com/@vasilkov). Гэта інтэрнэт-рэсурс медыякансультанта Дзяніса Васількова. Змест старонкі прызнаў «экстрэмісцкім» суд Ленінскага раёна Магілёва рашэннем ад 25 жніўня 2026 года.