Канферэнцыя «Беларускія медыя: якасць, давер, стандарты» і цырымонія ўзнагароджання «Вольнага слова» пройдуць у верасні. РЭГІСТРАЦЫЯ

Беларуская асацыяцыя журналістаў запрашае калег на галіновую канферэнцыю ў Вільні, у межах якой мы пагаворым пра ўмовы і стандарты працы беларускіх медыя сёння, давер аўдыторыі, выклікі і поспехі недзяржаўных выданняў.

Канферэнцыя БАЖ у 2025 годзе, фота БАЖ

У межах канферэнцыі запланаваныя дзве панэльныя дыскусіі:

Панэль 1. «Якасць журналістыкі ва ўмовах абмежавання свабоды слова»;

Панэль 2. «Журналісцкія расследаванні ў 2026 годзе: прарывы, пытанні, праблемы»;

а таксама цырымононія ўзнагароджання.

 

Канферэнцыя пройдзе 18 верасня ў Вільні і будзе праводзіцца на беларускай мове.

Для ўдзелу ў канферэнцыі БАЖ запрашае калег і каляжанак ЗАРЭГІСТРАВАЦЦА да 10 верасня. 

РЭГІСТРАЦЫЯ

 Пацверджаныя ўдзельнікі і ўдзельніцы атрымаюць падрабязную інфармацыю ад арганізатараў на пазначаную электронную пошту.

Арганізатары конкурсу «Вольнае слова» ўжо звязаліся з аўтарамі, чые працы ўвайшлі ў шорт-ліст. Ім асобна рэгістравацца на дадзеную падзею не трэба.

Арганізатары не маюць магчымасці забяспечыць праезд і пражыванне ўдзельнікаў і ўдзельніц з іншых гарадоў, таму калегам варта разлічваць на ўласныя магчымасці.