БАЖ прыняў Гендарную палітыку арганізацыі

Мэта палітыкі — забяспечыць роўныя магчымасці для ўсіх сябраў, супрацоўніц і супрацоўнікаў арганізацыі незалежна ад гендарнай ідэнтычнасці, узросту, сямейнага становішча ці іншых асабістых характарыстык.

БАЖ прызнае гендарную роўнасць як адну з фундаментальных умоваў свабоднай і прафесійнай журналістыкі. Арганізацыя прытрымліваецца прынцыпаў роўнасці, недыскрымінацыі і павагі чалавечай годнасці.

У гендарную палітыку арганізацыі ўвайшлі прынцыпы адказнасці, абароны ад любых форм дыскрымінацыі, планаванне мерапрыемстваў і актыўнасцяў з улікаў гендарнага падыходу, забеспячэнне роўных магчымасцяў удзелу ў БАЖ і кіраванні, перадухіленне гвалту і харассмента, стварэнне бяспечнага працоўнага асяроддзя, механізмы рэагавання на недапушчальныя паводзіны, стандарты пры распаўсюджванні кантэнту інфармацыйнымі рэсурсамі БАЖ і многае іншае.

Гендарная палітыка БАЖ распаўсюджваецца на супрацоўнікаў і супрацоўніц арганізацыі, яе валанцёраў і валанцёрак, стажораў і стажорак, а таксама сябраў органаў кіравання арганізацыі (Праўленне і Рада).

БАЖ забяспечвае ўключэнне пытанняў гендарнай роўнасці ў працэсы стратэгічнага і бягучага планавання, унутранага рэгулявання, ацэнкі дзейнасці і арганізацыйнага развіцця. Рэалізацыя гендарнай палітыкі суправаджаецца адпаведнымі арганізацыйнымі мерамі, уключаючы:

• улік пытанняў гендарнай роўнасці ў праграмнай і праектнай дзейнасці, а таксама ў сістэме кіравання;
• інфармаванне асоб, на якіх распаўсюджваецца дзеянне Палітыкі, пра яе змест, прынцыпы і механізмы рэалізацыі;
• механізмы папярэджання і рэагавання на выпадкі гендарна-бумоўленага гвалту і харассменту;
• захаванне гендарнага падыходу ў працэсе кіравання арганізацыі, уключаючы маніторынг і ацэнку дасягнутага прагрэсу.

Для каардынацыі дзейнасці па рэалізацыі гендарнай палітыкі Праўленне БАЖ прызначае Гендарную ўпаўнаважаную. 

Беларуская асацыяцыя журналістаў адзначае важную ролю профільных гендарных арганізацыі, экспертак і экспертаў у падрыхтоўкі палітыкі і дзякуе калегам за экспертызу.

Цалкам азнаёміцца з тэкстам Гендарнай палітыкі БАЖ можна па спасылцы.

Дакумент будзе апублікаваны ў раздзеле з дакументамі БАЖ, а таксама ўнізе кожнай старонкі сайта БАЖ, як і іншыя палітыкі арганізацыі.