• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    49-гадовы міністр інфармацыі Пярцоў: Не ведаю, дзе Захаранка і Красоўскі, мяне ў той час не было на свеце 

    Андрэй Павук працягвае размаўляць з беларускімi чыноўнікамі. Гэтым разам ён спрабаваў даведацца ў міністра інфармацыі Уладзіміра Пярцова, ці можна прыбраць з эфіру Азаронка, ці можна гаварыць «Жыве Беларусь» і куды зніклі палітычныя апаненты Лукашэнкі, піша «Наша Ніва».

    Размову Андрэя Павука з міністрам паказалі ў «Шухер-шоу» на канале «Белсат».

    Пра журналіста Азаронка і СТБ 

    У размове абмяркоўвалі тэлебачанне і ролю асобных журналістаў. На рэпліку Павука аб тым, што журналіст Азаронак распальвае варожасць, міністр заўважыў, што заключэнне аб гэтым могуць даваць толькі суд і іншыя кампетэнтныя праваахоўныя органы.

    — Мы не любім Азаронка і хочам, каб яго прыбралі, — кажа Павук.

    — Гэта ваша грамадзянскае права ў свабоднай краіне любіць ці не любіць, — адказвае Пярцоў.

    — Мы ж вас фінансуем.

    — Вы нас не фінансуеце. ЗАТ «СТБ» — камерцыйная арганізацыя. Закрытае акцыянернае таварыства, якое жыве за кошт камерцыйных даходаў. З бюджэту фінансуецца толькі Нацыянальная дзяржаўная тэлерадыёкампанія.

    — Дык мы ніяк не можам паўплываць на інфармацыйны парадак дня?

    — А чаму вы павінны ўплываць на інфармацыйны парадак дня?

    — Таму што Азаронак нам не падабаецца. Ён распальвае варожасць. Таму што гэта фэйкі.

    — Не падабаецца, не глядзіце. Гэта ваша грамадзянскае права. Якія фэйкі ў Азаронка?

    Лукашэнка і «Тэсла» ад Маска

    Павук нагадаў пра заяву Лукашэнкі аб тым, што яму сам Ілан Маск падарыў аўтамабіль «Тэсла». Сюжэт з гэтымі словамі быў паказаны на беларускім тэлебачанні. Такім чынам тэлебачанне распаўсюдзіла непраўдзівую інфармацыю.

    — А пры чым тут праўдзівая, непраўдзівая інфармацыя, якую мы нясём? Я вам гаварыў, што Ілан Маск падарыў «Тэслу» Лукашэнку? — апраўдваўся Пярцоў.

    — Лукашэнка заявіў пра гэта. Па беларускім тэлебачанні паказалі.

    — Пачакайце, нам усім падарыў Ілан Маск «Тэслу». Ён стваральнік «Тэслы».

    — Вось як вы выкруціліся! Не, гэта было сказана не так. Было сказана, што ён асабіста падарыў.

    — Ну, можа быць, памыліўся. І што?

    — Дык раскажыце пра гэта. Што ў нас прэзідэнт недалёкі.

    — Я таксама пераблытаў нядаўна Славакію і Сербію. Ну, здараецца так, як выступаеш. Я не магу сказаць, што ён недалёкі. Гэта няпраўда. Чалавек з дзвюма вышэйшымі адукацыямі і такім досведам кіраўніцтва. І ні адзін ваш гаспадар, які фінансуе «Белсат», не лічыць яго недалёкім, а, наадварот, вельмі разумным і прасунутым палітыкам. Я чытаю іх дакументы. Я кожны дзень чытаю амерыканскія і еўрапейскія агляды.

    «Я ведаю сацыялогію. Гэта няпраўда»

    Андрэй Павук нагадаў міністру інфармацыі пра заяву Лукашэнкі ў інтэрв’ю журналісту Дзмітрыю Гардону аб тым, што з тэрыторыі Беларусі ніколі ніхто не нападзе на Украіну.

    Па меркаванні Пярцова, «сёння і дастаткова даўно Украіна для Беларусі варожая дзяржава. А калі такія заявы рабіліся, нягледзячы ні на што, Украіна была нам сяброўскай краінай».

    На погляд міністра, Украіна першай пачала супраць Беларусі эканамічную вайну. А ў сённяшніх ваенных дзеяннях беларусы не ўдзельнічаюць.

    — Чаму ж тады Лукашэнка гаворыць, што мы ўдзельнічаем? — перапытаў Павук.

    — Мы ўдзельнічаем толькі ў навучанні Узброеных сіл Расіі, саюзнай нам дзяржавы.

    — Дык гэта ж садзейнічанне агрэсару.

    — Не, па сусветнай ваеннай класіфікацыі гэта не зʼяўляецца ўдзелам ва ўзброеным канфлікце. Вывучайце дакументы. Мы дапамагаем. І Украіне дапамагаюць іншыя дзяржавы. Але яны не ўдзельнічаюць ва ўзброеным канфлікце. 50 дзяржаў удзельнічае ў фінансаванні дапамогі, узбраенняў, у лячэнні Украіны. А мы — адзіная краіна, што дапамагае Расіі.

    На рэпліку Павука аб тым, што падтрымка, якую аказвае Расіі Беларусь у вайне, ідзе насуперак жаданню беларусаў, бо, як вядома, у грамадстве моцныя антываенныя настроі, міністр адказаў:

    — З чаго вы ўзялі, што вы не хочаце дапамагаць Расіі?

    — У нас жа моцныя антываенныя настроі.

    — Гэта ў каго? Магчыма, у вас асабіста. У іншых не.

    — Беларусы супраць вайны.

    — Не. Гэта няпраўда. Я ведаю сацыялогію. Беларусы не за вайну. Беларусы за тое, каб дапамагаць Расіі і змагацца супраць фашыстаў.

    Ці можна гаварыць «Жыве Беларусь»

    У ходзе размовы Пярцоў адзначыў, што ў Беларусі дэмакратыя, што прапісана ў Канстытуцыі. На пытанне, ці можна гаварыць «Жыве Беларусь», Пярцоў адказаў, што кожны мае права гаварыць што заўгодна.

    — Дык за гэта караюць, — заўважыў Павук.

    — Ну, магчыма, калі гэта фашысцкі заклік, вас пакараюць. Так гаварылі калабаранты з 1941-га па 1944 год, каторыя тут дзікавалі.

    — І Янка Купала пісаў у сваім вершы.

    — Вы не перакручвайце, там інакш сказана. Радок Купалы поўнасцю працытуйце. Там інакш напісана. Я вашы хады вось гэтыя бэчэбэшныя ўсе вывучыў на памяць.

    Чаму Лукашэнка прымаў прысягу пад бел-чырвона-белым сцягам

    Пры адказе на гэтае пытанне Пярцоў адзначыў, што «на той момант незаконна (у нас ніхто на рэферэндуме не пытаўся) шушкевічы, кебічы і астатнія змянілі сцяг на бэчэбэ з савецкага бээсэсэраўскага. У нас ніхто не пытаўся. А пасля на рэферэндуме мы змянілі сцяг на наш. А на той момант быў дзейным бэчэбэ-сцяг».

    Хто забіў Рамана Бандарэнку і Захаранку

    У час размовы міністр падкрэсліў, што выступае супраць забойстваў. Калі Павук спытаўся, чаму ў такім выпадку ў 2020‑м адбываліся забойствы ўдзельнікаў пратэстаў, і нагадаў пра выпадак з Раманам Бандарэнкам, то пачуў адказ:

    — У нас кожны дзень у краіне адбываецца шмат [выпадкаў] хуліганства, забойстваў і іншых злачынстваў. Хто забіў вашага Рамана Бандарэнку? А хто забіў шмат іншых людзей у нашай краіне? У выніку няшчасных выпадкаў, здарэнняў і хуліганства? Вы можаце на гэта адказаць?

    — Дзе палітычныя канкурэнты Лукашэнкі? Чаму забіты Захаранка, Завадскі, Красоўскі?

    — Я не ведаю, дзе Захаранка, Красоўскі. Я пра гэта нічога не ведаю. Мяне ў той час не было хіба на свеце. Можа, і быў.

    Былы міністр унутраных спраў Юрый Захаранка і бізнэсмен Анатоль Красоўскі зніклі без вестак у 1999 годзе. Міністру Пярцову тады было 25 гадоў (ён нарадзіўся ў 1974).

    Чытайце яшчэ:

    5 мировых трендов цифровых новостей, о которых нужно знать

    «Фотография это почти всегда неправда». Сергей Михаленко о роли искусственного интеллекта

    «Грымёра няма, навучыўся фарбавацца сам». Вядоўца «Наша Ніва.News» пра асаблівасці працы, прагляды і хейт у каментарах

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці