• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Аб’яўлены лепшыя здымкі конкурсу Wildlife Photographer of the Year

    Пераможцам конкурсу Wildlife Photographer of the Year у гэтым годзе стаў здымак кактусавых пчол, які зрабіла Карын Айгнер, піша Бі-бі-сі.

    Самцы кактусавых пчол абляпляюць самку. Але хто з іх акажацца тым шчасліўчыкам, які зможа з ёй спарыцца? Гэты выдатны здымак, зроблены Карын Айгнер, стаў пераможцам конкурсу Wildlife Pho­tog­ra­ph­er of the Year у гэтым годзе.

    З аднаго боку, гэта даволі тэхнічная карцінка. Для таго, каб патрапіць у самую гушчу падзей, давялося выкарыстоўваць макрааб’ектыў. «Мне давялося правесці даволі шмат часу лежачы на жываце ў гразі», — кажа Карын.

    Амерыканка стала толькі пятай жанчынай, якая выйграла галоўны прыз за 58-гадовую гісторыю конкурсу WPY.

    «Не тое каб я спецыяльна гэта шукала. Я ўжо шмат гадоў працую на ранча ў Паўднёвым Тэхасе, і проста выпадкова апынулася ў гэтым месцы. Я ўбачыла ўсе гэтыя маленькія «вулканы» ў зямлі — асобныя норы, выкапаныя самкамі для стварэння гнёздаў», — распавяла яна Бі-бі-сі.

    Кактусавыя пчолы, як вынікае з назвы, жывуць на кактусавых раслінах і вакол іх. Самкі збіраюць пылок, які ператвараюць у маленькія шарыкі і захоўваюць у камерах у глебе. У гэтых шарыках развіваюцца лічынкі, якія затым выбіраюцца на паверхню і працягваюць рэпрадуктыўны цыкл.

    «Карціна цудоўная, у ёй столькі энергіі! Гэта сапраўдны «паводзінны» здымак. За гэта я і люблю бесхрыбтовых, — сказала Роз Кідман Кокс, старшыня журы WPY. — Важная і кампазіцыя. Што робіць фатаграфію завершанай, дык гэта пчолы, якія прылятаюць збоку. Яны то і даюць вам «саўндтрэк».

    Маладым фатографам года дзікай прыроды ў 2022 годзе стаў Катанью Вуціичайтанакорн з Тайланда. Пераможная праца 16-гадовага фатографа — гэта знятая буйным планам галава паласаціка Брайда і кітовых пласцін у ягонай пашчы, якія выкарыстоўваюцца для фільтрацыі ежы. На іх фоне бачныя сардзіны, якія спрабуюць выратавацца ад кіта. «Нейкім чынам сардзіна заскочыла ў лодку, — успамінае Катаньоу. — Мне пашанцавала. Я падабраўся ў лодцы бліжэй, а кіт заставаўся над вадой каля хвіліны».

    WPY — адзін з найбольш прэстыжных конкурсаў у сусветнай фатаграфіі. Конкурс быў заснаваны ў 1964 годзе часопісам BBC Wildlife Mag­a­zine, а цяпер яго арганізатарам з’яўляецца Лонданскі Музей натуральнай гісторыі. Сёлета на конкурс было пададзена 38 575 работ з 93 краін.

    Ніжэй прадстаўленыя некаторыя з пераможцаў у розных катэгорыях. 

    «Смерць Ндакасі». Брэнт Стыртан, Паўднёвая Афрыка

    Брэнт Стыртан — вядомы фотажурналіст. На яго фатаграфіі адлюстраваныя апошнія моманты жыцця Ндакасі, горнай гарылы, якая была выратаваная ў двухмесячным узросце. Яе зграю забілі браканьеры з мафіі, якая займаецца нелегальнай вытворчасцю драўнянага вугалю ў Нацыянальным парку Вірунга ў Конга. Ндакасі знаходзіцца на руках у свайго выратавальніка і апекуна Андрэ Баўма.

    «Нябесныя фламінга». Дзюндзі Такасага, Японія

    Гэтыя фламінга знятыя высока ў Андах на найбуйнейшым у свеце саланчаку Уюні. Тут таксама знаходзіцца адзін з найбуйнейшых у Балівіі літыевых руднікоў, што ставіць пад пагрозу будучыню фламінга. Каб зрабіць гэты здымак, японскаму фатографу Дзюндзі Такасага прыйшлося перанесці вышынную хваробу, але ягоныя намаганні прынеслі яму перамогу ў катэгорыі «прыродны артыстызм».

    «Паміраючае возера». Даніэль Нуньес, Гватэмала

    Даніэль Нуньес выкарыстаў робата, каб захапіць кантраст паміж лесам і водарасцямі на краі гватэмальскага возера Аматытлан. Цыянабактэрыі ў вадзе размнажаюцца з‑за прысутнасці забруджвальных рэчываў, такіх як сцёкавыя воды, што выцякаюць з горада Гватэмала. Здымак перамог у катэгорыі «водна-балотныя ўгоддзі».

    «Падаючая зорка». Тоні Ву, ЗША / Японія

    Тоні Ву захаваў гэтую сцэну ля берагоў Японіі. На ёй намаляваная гіганцкая марская зорка ў момант нерасту. Іголкаскурыя рухаюць канечнасцямі і разгойдваюць сваё цела, магчыма, каб накіраваць ікрынку і сперму ў падводную плынь, дзе яны змогуць апладніцца. Здымак перамог у намінацыі «Падводная здымка».

    «Паляўнічы за кажанамі». Фернанда Канстанціна Марцінес Бельмар

    Фернанда Канстанціна Марцінес Бельмар зрабіў гэты здымак у месцы, вядомым як Пячора вісячых змей у Мексіцы. У прыцемках тысячы кажаноў пакідаюць пячору ў пошуках насякомых. Калі яны ляцяць, са сцен пячоры спускаюцца і звісаюць полазы, спрабуючы здабыць сабе ежу. Здымак перамог у намінацыі «Паводзіны: амфібіі і рэптыліі».

    «Мядзведжы дом». Дзмітрый Кох, Расія

    Дзмітрый Кох зрабіў гэты здымак на востраве Калючын, які знаходзіцца ў Чукоцкім моры ў Арктыцы. Белыя мядзведзі — і на пярэднім плане, і ў тумане, які вісіць над закінутымі будынкамі. Дзмітрый, яхтсмен, хаваўся на востраве ад шторму. Ён выкарыстаў невялікага робата, каб падабрацца да драпежнікаў. Здымак перамог у катэгорыі «Дзікая прырода ў горадзе».

    Чытайце яшчэ: 

    Беларускія традыцыі ў аб’ектыве Альфрэда Мікуса

    «С презрением относимся к сокрытию общественно важной информации». История успеха кыргызского издания «Клооп»

    У Менску прайшоў сэмінар для прапагандыстаў дзяржаўных СМІ і фэйкавых экспэртаў замежжа. Сярод арганізатараў — інстытут UNESCO

     

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці