Адміністрацыйную справу супраць Марыны Драбышэўскай спынілі
19 мая 2017
Адміністрацыйную справу па артыкуле 22.9 (парушэнне заканадаўства аб СМІ), якую склалі пасля першамайскага мітынгу ў Гомелі супраць рэгіянальнай карэспандэнткі «Новага Часу» Марыны Драбышэўскай, спынілі.
Пра гэта Марына паведаміла на сваёй старонцы ў Facebook:
— Толькі што ў паштовай скрыні знайшла ліст з чыгуначнага РАУСа, у якім паведамляецца, што адміністрацыйная справа па артыкуле 22.9 ад 1 мая супраць мяне спыненая!
Вельмі цяжка ў гэта паверыць, але атрымліваецца, што цуды здараюцца!!! Дзякуй усім, хто за мяне перажываў і хто не быў абыякавым!
— Я нават не ведаю як пракаментаваць сітуацыю, якая склалася, — кажа Марына. — Гэта невялічкая, але перамога здаровага сэнсу над бязглуздай беларускай сістэмай, для якой правіл не існуе. Практыка паказала, што забраць у пастарунак і скласці пратакол могуць на журналіста любога СМІ, нягледзячы на тое, зарэгістраванае гэта СМІ ці не. На мой погляд, пасля гэтага, магчыма, супрацоўнікі міліцыі пачнуць хаця б глядзець, каго яны забіраюць і на каго складаюць пратаколы. Ну а я буду працаваць на ніве свабоды слова ў родным горадзе і надалей.
@bajmedia
Журналіст Ігар Карней падаў апеляцыйную скаргу на прысуд
12.04.2024
У СНД раптам задумаліся пра забеспячэнне правоў журналістаў. Па ініцыятыве Расіі
21.03.2024
Журналистам станет еще труднее получить информацию из-за новых правил обращений в госорганы
27.12.2023
У Брэсце за выкарыстанне дрона без дазволу фатографа пакаралі штрафам
30.10.2023
