• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    БАЖ патрабуе вярнуць наклад “Народнай Волі” і спыніць ціск на прэсу!

    ГА “Беларуская асацыяцыя журналістаў” рашуча пратэстуе супраць захопу сілавікамі сённяшняга нумара газеты “Народная Воля”.

    ЗАЯВА

    Супрацоўнікі міліцыі з дапамогай АМАПа без прад’яўлення дакументаў і тлумачэнняў забралі ўвесь наклад выдання. Кіраўніцтву рэдакцыі не пакінулі аніякіх пратаколаў і актаў выняцця.

    Мы разглядаем дзеянні сілавікоў як грубае парушэнне заканадаўства аб СМІ і працэсуальных норм.

    Перашкоды ў распаўсюдзе “Народная Волі” ёсць працягам кампаніі ціску на журналістаў і медыя, якая цягнецца апошнія тры месяцы. Нагадаем, што акрамя “Народнай Волі” пазбаўлены магчымасці друкавацца ў краіне “Комсомольская правда в Беларуси”, “Свободные новости плюс” і “БелГазета”.   

    “Белсаюздрук” і “Белпошта” адмаўляюцца распаўсюджваць газеты, якія рэдакцыі змаглі надрукаваць за мяжой. Цяпер да гэтых праблемаў далучыліся і дзеянні сілавых структур, якія нагадваюць адкрыты крадзеж.

    ГА “Беларуская асацыяцыя журналістаў”:

    - разглядае дзеянні органаў улады і службовых асоб у дачыненні да пералічаных друкаваных выданняў як праявы цэнзуры і незаконныя абмежаванні свабоды СМІ;

    -  патрабуе неадкладна вярнуць рэдакцыі “Народнай Волі” забраны наклад выдання.

    PDF-версію забранага нумара “Народнай волі” можна спампаваць ТУТ

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці