Прадстаўніца АБСЕ па пытаннях свабоды СМІ заклікала неадкладна вызваліць Ларысу Шчыракову

Прадстаўніца АБСЕ па пытаннях свабоды СМІ Тэрэза Рыбейра у сваім Твітары адрэагавала на нядаўняе затрыманне беларускай журналісткі Ларысы Шчыраковай, сына якой пасля затрымання забралі ў дзіцячы прытулак.

— Затрыманне былой журналісткі Ларысы Шчыраковай у Беларусі і адсутнасць інфармацыі аб абставінах справы выклікаюць глыбокую заклапочанасць. Я заклікаю вызваліць яе. #Jour­nal­is­mIs­No­tACrime, — напісала Тэрэза Рыбейра.

Сёння раніцай стала вядома, што супраць Ларысы Шчыраковай завялі крымінальную справу за нібыта дыскрэдытацыю Рэспублікі Беларусь.