Акцэнты

Як прасунуць у інфармацыйную бурбалку Захаду беларускую тэму, застаецца надзвычай складанай задачай. Яе вырашэнне патрабуе шмат сістэмных высілкаў на працягу гадоў. Пра адну такую спробу — праект Dekoder — расказаў нямецкі журналіст Інго Пэтц падчас сустрэчы, арганізаванай Беларускай асацыяцыяй журналістаў.

Пра стан сучаснай беларускай журналістыкі і праблемы, з якімі сутыкаюцца беларускія журналісты ў эміграцыі, разважае намеснік старшыні Беларускай асацыяцыі журналістаў Барыс Гарэцкі ў гутарцы з Юліяй Сівец на хвалях Беларускага Радыё Рацыя.

8 лютага ў праекце БТ «ИЗНАНКА. Первый независимый» выйшаў «выкрывальны» сюжэт пра працу незалежнага тэлеканала «Белсат». Вядучая Кацярына Ціхамірава распавядае «пра брудныя метады працы экстрэмісцкага рэсурса». Аўтары фільма расказалі пра бюджэт тэлеканала, абвінавацілі яго дырэктарку ў сувязях з польскім урадам, выклалі звесткі пра прыватнае жыццё супрацоўнікаў. А таксама распавялі, быццам тэлеканал «кідае» тых, хто дасылае туды інфармацыю, не захоўваючы іх ананімнасць. Для гэтага зрабілі званок на «Белсат» і паразмаўлялі з рэдактарамі. Адзначым, што змест размовы не дазваляе пацвердзіць высновы журналістаў БТ. «Белсат» апублікаваў артыкул, у якім адказаў на абвінавачанні дзяржтэлебачання. Тэкст гэтага адказа мы прыводзім ніжэй.