Арганізацыя RSF даставіла сотні «паштовак для Марыны» ў амбасады Беларусі

Сотні пасланняў у падтрымку Марыны Золатавай перадалі прадстаўнікі RSF у пасольствы Парыжа, Лондана, Берліна, Берна, Стакгольма, Вены і
Вашынгтона. 6 лістапада галоўная рэдактарка TUT. BY адзначыла сваё 46-годдзе. У трэці раз яна сустракае сваё свята за кратамі, дзе адбывае 12-гадовы тэрмін за, у прыватнасці, «падрыў нацыянальнай бяспекі».

Марына Золатава — знакавая фігура, якая увасабляе катастрафічны стан свабоды прэсы ў Беларусі.

«Дыктатар Аляксандр Лукашэнка хацеў бы скарыстацца міжнародным навінавымпарадкам, каб людзі забыліся на рэпрэсіі і тэрор у яго краіне. Мы дашлі сюды сёння раніцай, каб сказаць «не» прапагандзе, якую вядзе яго рэжым і заявіць, што мы працягваем змагацца за журналістаў, якія знаходзяцца ў зняволенні ў Беларусі. А таксама каб прыцягнуць увагу СМІ да гэтай сітуацыі. Марына Золатава — самая вядомая ў краіне журналістка, якая вяла найбуйнейшы незалежны сайт, і менавіта таму рэжым наносіць па ёй такі жорсткі ўдар», — у Парыжы заявіў журналістам генеральны сакратар RSF Крыстаф Дэлуар.

Да парыжскай акцыі далучаўся муж спадарыні Золатавай Васіль Кішкурна і іх дзецьмі. Ён паддзякаў за падтрымку, якая шмат значыць для іх сям’і,  і заклікаў да яшчэ большай салідарнасці з Марынай і ўсімі іншымі беларускімі журналістамі, якія знаходзяцца ў зняволенні і якія сталі ахвярамі рэпрэсій за тое, што яны не сталі маўчаць пасля выбараў 2020 года.

«Яны маюць патрэбу ў гэтай падтрымцы і адчуваюць яе нават у турме, таму што чалавечае цяпло пераадольвае любыя сцены і нават межы. Я ведаю, што аднойчы у Беларусі ўзыдзе сонца», — падкрэсліў ён.

«У сітуацыі, калі рэжым Лукашэнкі не жадае спыняць жорстка душыць незалежныя СМІ, міжнародная мабілізацыя ў падтрымку такіх мужных беларускіх журналістаў як Марына Золатава важная як ніколі. Гэтая глабальная акцыя салідарнасці выразна дэманструе, што свет не забудзе пра Золатава і яе калегаў. Наш заклік да вызвалення Марыны Золатавай і ўсіх журналістаў, затрыманых у Беларусі, гучыць гучней, чым ніколі. І мы не спынімся, пакуль яны не будуць вызваленыя», — зазначыла дырэктар па кампаніях RSF Рэбека Вінсант.

Нагадаем, на працягу апошніх двух месяцаў офісы RSF па ўсім свеце збіралі паштоўкі ў рамках глабальнай кампаніі #Free­Zo­lata­va. Кампанію «Паштоўкі для Марыны» падтрымалі брытанскі акцёр Стывен Фрай, лідэр беларускай апазіцыі Святлана Ціханаўская і члены міжпартыйнай парламенцкай групы Вялікабрытаніі па Беларусі. RSF працягвае кампанію за #Free­Zo­lata­va і за ўсіх журналістаў, якія знаходзяцца ў зняволенні ў Беларусі.

Раней у гэтым годзе глабальная сетка RSF мабілізавалася для ўдзелу ў марафоне салідарнасці са зняволенымі журналістамі, які праводзіла Беларуская асацыяцыя журналістаў, заручыўшыся падтрымкай 12 аддзяленняў RSF па ўсім свеце.

Беларусь займае 157 месца сярод 180 краін, уключаных у сусветны індэкс свабоды прэсы RSF.

Чытайце яшчэ:

6 лістапада Марына Золатава адзначае Дзень народзінаў. Трэці год за кратамі

Беларуская журналістка Юлія Цяльпук трапіла ў жорсткую аварыю ў Польшчы. Збор сродкаў

У Львове беларусы і ўкраінцы выказалі салідарнасць са зняволенымі Лукашэнкам журналістамі