Аўтарская калонка Алеся Анціпенкі

Нарадзіўся ў 1953 г. на далёкім усходзе Беларусі (г. Слаўгарад Магілёўскай вобл.). Антыкамуністычнае выхаваньне атрымаў у сям’і. Веды набываў у Нацыянальнай бібліятэцы імя Леніна, бібліятэцы Акадэміі навук БССР і акадэміі Кіма Хадзеева, а адукацыю – у Інстытуце замежных моваў і асьпіратуры Інстытута філязофіі і права АН БССР. Кандыдыт філязофіі. Аўтар шэрагу навуковых і аналітычных артыкулаў, друкаваных у Беларусі, Аўстрыі, Ізраілі, Латвіі, Польшчы, Расеі, Францыі, Чэхіі і ва Украіне. Стваральнік і суаўтар кніг «Мэдыі і камунікацыя», «Анталёгія сучаснага беларускага мысьленьня» і «Невядомая Беларусь». У КПСС ня быў і быць ня мог. За ўдзел у Маршы Свабоды сядзеў у беларускіх Лукішках на Акрэсьціна. Ганарыцца тым, што ня мае ўрадавых узнагародаў. Галоўнай задачай беларусаў лічыць умацаваньне ўсходняй і разбурэньне заходняй мяжы краіны. Сябра Рады БАЖ, Рады Беларускага ПЭН-цэнтру, сузаснавальнік і сябра Рады Беларускага інстытуту стратэгічных дасьледаваньняў, сябра Валянціна Акудовіча, кіраўнік «Беларускага калегіюму».